Pơhiăp ƀơi mông jơnum, Khua git gai Ping gah lăi rơđah anŏ kiăng mơ̆ng tal pel ĕp bruă mă lĕ pơtŏng glăi rơđah djŏp bruă git gai, črâo bruă kơsem min, hrăm hră, pôr pơthâo hăng pơphun pok pơhai ngă tui Tơlơi pơtrun jơnum ping gah dêh čar tal 14 hrŏm hăng hơdôm tơlơi pơtrun, tơlơi črâo bruă mơ̆ng Ding jum kơđi čar bơdjơ̆ nao. Mơ̆ng bruă pel ĕp, khul khua hơmâo ƀuh hơdră ngă bruă phrâo, tŭ yua, laih dong klah čun glăi djŏp bruă ngă tŭ yua amăng hrơi mông pơphun ngă ƀơi Ping gah ƀôn prong Hà Nội; pơtŏng glăi djơ̆ djŏp tơlơi gêh găl, tơlơi dưi ngă hăng aka ƀu dưi ngă mơ̆ng Khul khua apăn bruă Ping gah ƀôn prong kiăo tui djŏp phun tơhnal hơmâo pel ĕp.

Khua git gai Ping gah ơi Tô Lâm kiăng ƀing khua amăng khul pel ĕp pơtrut tui pran jua ngă bruă, ngă tui djơ̆ hăng tơlơi jao bruă mơ̆ng khua mua khul, pel ĕp sem lăng, pơtong glăi rơđah, kơsem min hră pơ-ar bơdjơ̆ nao đah mơ̆ng pơhlom anŏ klă, hrơi pơkă bruă hyu pel ĕp sem lăng tui akŏ bruă kiăng ngă blung a.