VOV4.Jarai-Ping gah, anom bruă khua tơhan Quân đoàn 3 phrâo pơphun jơnum prong biă mă bưp ƀô̆ mơta hơdor glăi tal 49 thun Hrơi akŏ pơdong. Nao jơnum hrŏm hơmâo Trung tướng ơi Nguyễn Doãn Anh, ding kơna apăn bruă ping gah dêh čar, Kơ-iăng khua git gai ling tơhan mơnuih ƀôn sang Việt Nam; Trung tướng Trần Minh Đức, Khua anom bruă gah boh thâo ia rơgơi măi mok gah ling tơhan; khua mua mơ̆ng hơdôm anom bruă gah Ding jum ling tơhan, khua mua puih tơhan Quân đoàn 3, khua mua hơđăp glăi pơdơi abih thun bruă mơ̆ng Quân đoàn 3….

VOV4.Jarai – Ƀơi kual Dap Kơdư, ayuh hyiăng phang khôt, pơ-iă hang sui hrơi ngă khôt ia kơ phun pla (biă ñu lĕ kơphê) ƀơi Lâm Đồng, ba truh lu tơlơi apui ƀong tơbâo ƀơi Gia Lai. Ƀơi anăp tơlơi anun, gơnong bruă đang hmua mơ̆ng tơring čar Lâm Đồng hmâo mă yua laih ia amăng hơdôm bôh dơnao ia pioh pơtlaih kơ phun pla. Bơ̆ hăng tơring čar Gia Lai, gong gai hăng gơnong bruă đang hmua ăt hmâo djru mơn mơnuih ƀôn sang ƀu tơphă hmâo lŏn pla tơbâo apui ƀong.

VOV4.Jarai-Mơguah lơ 28/3, ƀơi sang bruă khua pơ ala mơnuih ƀôn sang dêh čar, ơi Vương Đình Huệ Khua git gai pơ ala mơnuih ƀôn sang dêh čar hơmâo tŭ jum ơi Fujimoto Masayoshi hăng ơi Hyodo Masayuki, dua čô khua jơnum min bơwih ƀong huă Japan-Việt mơ̆ng Khul ngă hrŏm djop anom bruă bơwih ƀong huă dêh čar Japan (Keidanren) hrŏm hăng ƀing khua mua group sĭ mơdrô pơprong dêh čar Japan jing ding kơna anom bruă Keidanren rai pơ Việt Nam jơnum khua mua pơprong pơphun črăn 1, Tơlơi pơčeh phrâo hrŏm Việt Nam-Japan amăng rơnuk phrâo.

VOV4.Jarai - Tlam lơ 27/3, ƀơi sang bruă Kơnuk kơna, Khua dêh čar ơi Phạm Minh Chính tŭ jum Khua ding jum pơđĭ kyar bơwih ƀong huă, sĭ mơdrô jar kmar hăng pơtrut ba sĭ gơnam dêh čar Canada yă Mary Ng glăk rai čuă hăng mă bruă ƀơi Việt Nam.

VOV4.Jarai - Tlam mơmot lơ 27/3, ƀơi Sang bruă pơ ala mơnuih ƀôn sang, Khua git gai pơ ala mơnuih ƀôn sang dêh čar ơi Vương Đình Huệ bưp Grup khua pơ ala kơ mơnuih rơgơi mơbruă, khua đăo, khua pơ ala djuai ania ƀiă rơgơi hloh ƀôn prong Hà Nội.

VOV4.Jarai-Tlam lơ 27/3, yă Trương Thị Mai, khua gum bruă git gai ping gah, Khua anom pơphun bruă ping gah dêh čar hrŏm hăng grup khua mua mơ̆ng gơnong dlông nao čuă, ƀơk gơnam laih anun jao sang gum pơgôp kơ hơdôm sang anŏ mơnuih ƀôn sang amăng tơring glông Điện Biên, tơring čar Điện Biên laih anun nao ĕp lăng bruă prăp rơmet jơnum ngă lơphet hơdor glăi tal 70 thun hrơi blah dưi ƀơi Điện Biên Phủ.

VOV4.Jarai-Tlam lơ 27/3, ƀơi anom mir sir, Khua mir sir jăng jai yă Võ Thị Ánh Xuân tŭ jum yă Carolyn Turk, Khua sang bruă prăk rŏng lŏn tơnah ƀơi Việt Nam nao mă tơngan ƀrô abih thun mă bruă ƀơi Việt Nam.

VOV4.Jarai-Amăng mrô 128 ring bruă ia hơdjă pơ kual plơi pla ƀơi tơring čar Dak Lak, hơmâo truh 52 boh ring bruă răm laih ƀu thâo yua dơ̆ng tah hăng hơdôm hơpluh ring bruă pơkŏn mă yua ƀah wư. Kơƀah prăk ming pơkra glăi, anun bơbeč djơ̆ prong biă mă kơ tơlơi hơdip mơda, ba ia yua kơ mơnuih ƀôn sang, biă mă ñu amăng bơyan phang hang pơđiă ră anai.

VOV4.Jarai-Mơguah tom brơi, lơ 27/3, ƀơi Hà Nội, ding kơna ding jum kơđi čar, khua gum bruă git gai ping gah, Khua anom pơphun bruă ping gah dêh čar, yă Trương Thị Mai mă bruă hăng ping gah grup, khua mua Khul tơhan hơđăp Việt Nam.

VOV4.Jarai-Dak Nông ăt hlăk krĕp 49 thun mơ̆n yap mơ̆ng hrơi pơklaih rơngai Gia Nghĩa, tơring čar phrâo pơphun ngă lơphet prong biă mă hơdor glăi tal 20 thun akŏ pơdong glăi tơring čar (2004-2024). Dak Nông- tui hăng tơlơi Bnông lĕ hnoh ia mơ̆ng boh gêt. Dơ̆ng mơ̆ng kual lŏn glai klô dŏ hnong hnăi, ƀun rin, tơnap tap, Dak Nông hơmâo hrưn đĭ kơtang biă mă hăng hlăk gir run kiăng jing tơring čar pơđĭ kyar hloh ƀơi kual Dap Kơdư.