VOV.Jarai - Tlam tom brơi lơ 12/1, Khul mă bruă mơ̆ng Kơnuk kơna yua ơi Hồ Quốc Dũng ba jơlan hơmâo nao čuă mơnuih ƀôn sang pơ kual ia dăo ƀơi să Hòa Thịnh laih anun ngă bruă hăng Jơnum min mơnuih ƀôn sang tơring čar Dak Lăk či pel ĕp, pơtrut pơsur ngă “Bruă mă Quang Trung” man pơdong, pơkra glăi sang  dŏ kơ mơnuih ƀôn sang pơ kual ia dăo phrâo rơgao.

VOV.Jarai-Mơng hơdôm hơbô̆ bruă bơwih ƀong huă tong ten hơmâo pok pơhai ƀơi ƀon lan, tơlơi pơtrun mơng Jơnum Ping gah tơring čar Quảng Ngãi tal I, rơwang thun 2025-2030 glăk mut nao tơlơi hơdip mơda. Bruă ngă tui hơdôm hơnong pơkă pơđĭ kyar bơwih ƀong huă ba tơbiă amăng tơlơi pơtrun hơmâo hăng glăk pơtrut pơsur kiăng ƀon lan hrưn đĭ, pơgôp ba glăi pơhrui lui, djru brơi mơnuih ƀôn sang, anăp nao pơđĭ kyar hơđong kjăp, sit biă ñu lĕ kual čư̆ siăng, kual mơnuih djuai ania ƀiă.

VOV.Jarai-Jơnum min mơnuih ƀôn sang tơring čar Gia Lai hơmâo tơlơi pơtrun jao bruă hăng hơnong pơkă pơđĭ kyar bơwih ƀong huă-mơnuih mơnam thun 2026 brơi 135 boh să, phường đơ đam tơring čar.

VOV. Jarai-Tlam lơ 12/1, Kông an tơring čar Lâm Đồng jơnum pơƀut bruă mă anăn “Bruă mă Quang Trung”.

VOV.Jarai-Khua dêh čar lăi pơtong, pơgang hơđong mrô rơnoh khom jing sa bruă mă yom hloh pơgang mrô jŭ yap ƀơi dêh čar, djuai ania hăng rơbêh 100 klăk čô mơnuih ƀôn sang.

VOV.Jarai - Mut amăng thun blan mă yua boh thâo mrô amăng wai lăng kơnuk kơna, Jơnum min mơnuih ƀôn sang phương Hội Phú, tơring čar Gia Lai nao hlâo blơi măi, ba yua rôbôt AI rơgơi djru neh met wa ngă hră pơ-ar ƀơi Sang bruă bơwih brơi ngă hră pơ-ar. Anai jing phương blung a ƀơi tơring čar ngă bruă anai, djru pơđĭ tui anŏ klă, plai ƀiă mơn ngă glêh kơ mơnuih mă bruă hăng hơmâo lu neh wa bơni biă.

VOV.Jarai - Jơnum min mơnuih ƀôn sang tơring čar Gia Lai phrâo pơphun jơnum jao rơnoh đĭ kyar bơwih ƀong huă - mơnuih mơnam thun 2026 kơ 135 boh să phương hăng anom bruă.

VOV.Jarai-Tom brơi (11/1), ƀơi Đà Lạt, grup hyu mă bruă mơng Ding jum man pơdong yua Khua ding jum ơi Trần Hồng Minh ba jơlan hlâo hơmâo mông mă bruă hăng tơring čar Lâm Đồng kơ pok pơhai bruă dưm dăp man pơkra jơlan glông, hơdôm ring bruă.

VOV.Jarai-Tlam lơ 11/01 ƀơi Thái Nguyên, Khua dêh čar ơi Phạm Minh Chính nao ngă lơphet pok ngă 03 akŏ bruă tuh pơ alin man pơdong hơdôm boh sang hră yôm phara-sang hră gưl tlâo kual Việt Bắc, sang hră hrăm prap mut sang sang hră gưl prong ƀôn prong Hồ Chí Minh hăng Sang hră hrăm prap mut sang hră gưl prong djuai ania Sầm Sơn, tơring čar Thanh Hóa.

VOV.Jarai - Ƀrô hrơi ơi Thongloun Sisoulith hơmâo ruah ngă Khua git gai Ping gah mơnuih ƀôn sang ngă hơkrŭ dêh čar Lao tal 12, lơ 8/1/2026, ơi Tô Lâm, Khua git gai Ping gah dêh čar Việt Nam mơit hră bơni hơ-ơč kơ ơi Thongloun Sisoulith.