VOV4.Jarai-Krĕp 2 mông 50 mơnit tlam lơ 7/4 (tui mông ƀơi dêh čar Khač), Khua git gai pơ ala mơnuih ƀôn sang dêh čar ơi Vương Đình Huệ hăng khua mua mơng dêh čar ta nao truh laih pơ Bắc Kinh, pơphun nao čuă sit nik dêh čar Khač.

VOV4.Jarai – Ƀơi tơring čar Kon Tum pơphun “Hrơi jơnum ngui pơkra gơnam ƀong hmâo pran kơ čơđai muai” thun 2024, hăng tơlơi gum hrŏm mơ̆ng rơbêh kơ 40 bôh anih anom pơtô pơhrăm čơđai muai.

VOV4.Jarai – Bơyan phang khôt thun anai, yua kơ ia ƀơi ia krông Mê Kông hrŏ trun 7% bơhmu hăng hơnong ñu hơdôm thun hlâo adih, anun Kual lŏn dăo ia krông Cửu Long gơgrong ba mơ̆ng ia mơxin hram tañ.

VOV4.Jarai-Tlam tom brơi, lơ 5/4, ƀơi kual ia rơsĭ tơring čar Bà Rịa Vũng Tàu, Khua tơhan kual Tơhan pơlih ia rơsĭ 3 ngă hrŏm tơhan pơgang hang ia rơsĭ dêh čar India pơphun hrŏm, hrăm bong glăi hăng tơlơi truh ƀơi ia rơsĭ tơdah hơmâo ia jâo hok, pơsir anŏ ngă hơƀak jrak ayuh hyiăng hăng hơduah ĕp mơnuih hơmâo tơlơi truh hăng pơčruih apui ƀong ƀơi kual ia rơsĭ.

VOV4.Jarai - Tơdơi kơ pơđut Jơlan hơdră pơtô khua mua git gai gưl prong thun 2024 pơphun ƀơi Boston, Kơ-iăng khua dêh čar ơi Lê Minh Khái hơmâo bưp hăng pơčrông sai hăng ƀing khua hăng anom bơwih ƀong pơprong dêh čar Mi či plơi prong jưh jom Washington.

VOV4.Jarai - Tlam tom brơi (lơ 5/4), ƀơi Sang bruă pơ ala mơnuih ƀôn sang, Khua git gai pơ ala mơnuih ƀôn sang ơi Vương Đình Huệ pơhiăp telephôn hăng ơi Samdech Techo Hun Sen, Khua git gai Ping gah Mơnuih ƀôn sang dêh čar Kur, Khua khul pơphô bruă prong mơ̆ng dêh čar Kur, Khua git gai pơ ala mơnuih ƀôn sang gơnong dlông dêh čar Kur.

VOV4.Jarai-Hơdôm thun rơgao, djŏp rơnuk khua mua, ling tơhan rŭ hyu hơdeč Cảnh sát Cơ động Kông an tơring čar Dak Lăk nao hrŏm hăng djŏp ling tơhan pơkơdong glăi mơnuih ngă soh hŭi rơyhưt, hyu kiăo mă ƀing pơblư̆ kơnuk kơna Fulro, pơgang rơnuk rơnua, ngă hơđong plơi pla. Anom bruă pơ-ư pơ-ang lơ̆m hơmâo Ping gah, Kơnuk kơna brơi hră bơni Anom bruă tơhan sông kơtang blah ngă hrŏm hăng lu miđai, gơnam pơpŭ yôm pơkŏn dong.      

VOV4.Jarai - Mơguah lơ 5/4, ƀơi Hà Nội, Khul ngă ƀong hrŏm Việt Nam pơphun jơnum lăng mơ̆ng ataih amăng tivi “Pơđĭ kyar hăng pơhưč mơnuih mă bruă rơgơi amăng kual bơwih ƀong hrŏm, anom ngă ƀong hrŏm”.

VOV4.Jarai - Ƀơi mông Jơnum khul khua gum bruă git gai Ping gah tơring čar Gia Lai tal 15 pơphun lơ 5/4, Gơnong bruă Jơlan glông pơdŭ pơgiăng tơring čar hơmâo lăi pơthâo kơ bruă pơplih hơdră tuh pơ alin jơlan rơdêh đuăi hmar Pleiku - Quy Nhơn mơ̆ng tơlơi ngă hrŏm kơnuk kơna hăng mơnuih ƀôn sang jing kơnuk kơna soh gơgrong bruă, tui anun amra pơhrŏ trun 6.500 klai prăk pơhmu hăng mrô jŭ yap blung a.

VOV4.Jarai- Tlam lơ 4/4, ƀơi Ƀirô Kơnuk kơna, Khua dêh čar ơi Phạm Minh Chính hơmâo mông tŭ jum Khua anih jưh pơ ala dêh čar Prang Olivier Brochet hăng dêh čar Español Carmen Cano de Lasala nao mă tơngan ƀrô hrơi ƀing gơñu rai mă bruă ƀơi Việt Nam.