Bruă pơplih anom bruă ngă hră pơ-ar ƀơi Lâm Đồng hơmâo pơsit akŏ phun lĕ ngă hră tañ ƀiă, mă yua boh thâo mrô, pơđĭ tui bruă ngă hră mơ̆ng ataih. Biă ñu, hră pơ-ar bơdjơ̆ nao tơlơi dưi mơnuih ƀôn sang hăng anom bơwih ƀong, kiăng ngă brơi tañ, gêh găl hloh.

Mơ̆ng akŏ thun truh ră anai, hră pơ-ar hơmâo pơkra brơi djơ̆ hăng hlâo hrơi pơkă gưl tơring čar hơmâo rơbêh 95% hăng rơbêh 98% ƀơi gưl să. Bruă pơmut djŏp hră pơ-ar hăng mrô hơmâo giăm 90%, mơ̆ng anun djru ngă bruă tui glông điện tử jing tañ hloh./.