Anai lĕ boh tơhnal ƀuh rơđah hơmâo lăi pơthâo ƀơi mông jơnum khul khua mua tơhan pơgang guai dêh čar, bruă mă kơ ping gah, bruă kơđi čar amăng klâo blan tal I thun 2026 mơ̆ng Khua git gai tơhan pơgang guai dêh čar, tơring čar Dak Lak.

Rơwang 3 blan tal I thun 2026, Ping gah, khua mua git gai tơhan pơgang guai dêh čar tơring čar Dak Lak hơmâo pơtô lăi ten, pok pơhai djơ̆ lăp tơlơi pơčrâo ba mơ̆ng gơnong dlông gah bruă ling tơhan, pơgang lŏn ia, bruă mă pơhlom hlâo. Djop puih kơđông tơhan pok pơhai bruă mă wai lăng guai dêh čar hơđong kơjăp, rơnuk rơnua ƀơi guai lŏn amăng kơdư hang hăng amăng ia rơsĭ.

Hrơi blan pơ anăp, tơhan pơgang guai dêh čar tơring čar Dak Lak pơtong rơđah, ăt wai lăng, pơgang kơjăp tơlơi dưi ngă pô ƀơi guai dêh čar; prăp lui na nao pran jua blah ngă; pơđĭ tui tơlơi tŭ yua pơtô hrăm blah ngă kơ ling tơhan, pơgăn ƀing soh sat; biă mă ñu đing nao kơ bruă pơhlôm hlâo, pơgăn tơlơi ngă soh hyu mă akan hơdang amăng kual ia rơsĭ tač rơngiao, ƀu găl tơlơi phiăn, ƀu lăi pơthâo hăng ƀu ngă djơ̆ tơlơi pơtrun IUU.