Ƀơi mông tŭ jum, ơi Trịnh Văn Quyết hơmâo pơčrong sai hăng ơi Rogelio Polanco Fuentes kơ hơdôm bruă phun, yom hloh plah wah dua bơnah ping gah amăng tơlơi pơmin, pơtô bruă ping gah, čih pơkra hơdrôm hră; tŭ ư ngă hrŏn pơtrut bruă ngă tui Tơlơi pơkôl ngă hrŏm plah wah dua boh anom pơtô bruă ping gah hăng mơnuih ƀôn sang dêh čar, amăng anun pơphun jơnum pơčrong sai ten sa hnơ̆ng bruă amăng thun 2026.

Ƀrô djơ̆ tal anai, ơi Trịnh Văn Quyết lăi pơtong, Ping gah, Kơnuk kơna hăng mơnuih ƀôn sang Việt Nam krăp lăng tui hăng gum hrŏm ping gah, kơnuk kơna laih anun mơnuih ƀôn sang Cuba; pơdah pran jua đăo kơnang ping gah Cộng sản Cuba, hăng bruă ngă kơđi čar kơjăp tong ten, tơlơi pơmin rơgơi laih anun tơlơi găn rơgao thâo thăi mơ̆ng bruă hơkrŭ, ƀu pơdơi ôh ngă kơjăp tui tơlơi gum pơgôp ping gah hăng mơnuih ƀôn sang, hơmâo hơdră djơ̆ găl pơsir kiăng găn rơgao hĭ djop tơlơi lông lăng, hơđong pran jua kiăo boh tơhnal bruă hơkrŭ dêh čar ruah laih.