Kơ-iăng khua dêh čar pơtrun hiăp brơi pơtrut hmar hloh bruă čuk pơkra, gir run kiăng rơdêh dưi nao rai sit nik amăng lơ 2/9 hăng ngă giong abih đut jơlan amăng thun anai. Kơčăo bruă pơpha jing 2 črăn găn amăng čư̆ siăng, čroh thông, krông ania ƀơi dua boh tơring čar, yua Ding jum man pơdong pô wai lăng, Khul wai lăng jơlan rơdêh treng pô tuh pơ alin, čuk pơkra jơlan glông ataih rơbêh 37 km.

Tui hăng sang bruă pô tuh pơ alin, hơjan hlim sui hrơi amăng rơnuč thun 2025,  mă bruă ƀơi anih kual čư̆ siăng, čroh hnoh, thông dơlăm čư̆ siăng kriăng pơtâo tơnap tap, lu jơlan čuk mur amăng gŭ čư̆ laih anun nua ia săng ia jâo đĭ, bơbeč djơ̆ hnơ̆ng mă bruă čuk pơkra jơlan hŭi ƀu djơ̆ hrơi blan pơkă, ră anai kiah ngă giong 65% rơnoh jao đôč. Pă boh luh pơhluh nao rai gŭ čư̆ ƀơi să Ea Trang 1, Ea Trang 2, čư̆ Phượng Hoàng hăng Čư̆ Te anŏ glông ataih giăm 6 km, hơmâo čuk pơhluh laih hlăk man pơkra hăng ƀêtông laih anun dưm truă anŏ ba yua boh thâo ia rơgơi, hlăk ngă tañ, sit mơ̆n năng ai rơdêh dưi rô nao rai hluh gah tañ djơ̆ hrơi pơkă.

Ƀơi mông nao ĕp lăng, khua mua tơring čar Dak Lak rơkâo gơnong dlông brơi jơlan hơdră tơlơi dưi tuh pơ alin thim prăk kăk čuk pơkra 5 km jơlan pơkĕ nao rai hăng jơlan rơdêh đuăi hmar Khánh Hòa-Ƀuôn Ma Thuôt hăng jơlan tơkuh yŭ ngŏ, truh pơ tơdron rơdêh por Ƀuôn Ma Thuôt kiăng pơđĭ tui boh tŭ yua sit rô nao rai glông jơlan anai.