Khua dêh čar lăi, bruă pơgăn mă akan IUU (bruă mă akan soh tơlơi phiăn, ƀu lăi pơthâo, hăng ƀu kiăo tui tơlơi pơtrun) ƀu kơnong kiăng dưi ba sĭ pơ čar rơngiao đôč ôh, yom hloh lĕ kiăng pơhlom bơwih ƀong hơđong kơ mơnuih ƀôn sang hăng pơƀuh kơnuih mă bruă tơpă sit, kơdrưh mơ̆ng dêh čar.

Kiăng dưi ngă tơlơi anai, Khua dêh čar ơi Phạm Minh Chính brơi thâo, Kơnuk kơna Việt Nam pok pơhai ngă tui lu hơdră pơsir kah hăng čih pơgiong tơlơi phiăn; hmư̆ tui tơlơi pơtô lăi mơ̆ng Jơnum min kual Mi Kô̆ (EC) či pơklaih hĭ tơlơi dŏ gun amăng tơlơi phiăn. Krăp lăng, pơtrut mă yua boh thâo mrô, pơmut hrŏm tơlơi pơhing ană mơnuih, anih dŏ hơdip hăng bruă wai lăng ƀat tô, song nao rai hăng mă yua măi krăp lăng bruă rô nao rai pơ ia rơsĭ (VMS). Rơngiao kơ anun, ngă tui tơlơi phiăn, bơtơhmal khut mơtăm, tơgŭ kơđi tơdah ngă soh nao pơ ia rơsĭ čar arăng laih anun mă akan soh tơlơi phiăn.