VOV.Jarai - Jơnum min mơnuih ƀôn sang tơring čar Khánh Hòa phrâo hơmâo tơlơi pơtrun git gai djŏp gơnong bruă, anom bruă ječ ameč lăng glăi abih bang hơdôm rơnoh pơkă, bruă kiăng ngă hăng tơlơi kiăng hơmâo tui hăng tơlơi pơtrun; čih pơkra hơdră ngă bruă, hrơi blan ngă bruă tong ten đah mơ̆ng dưi akŏ pơdong Khánh Hòa jing sa boh ƀôn prong yua Gơnong dlông wai lăng amăng thun 2027.

VOV.Jarai - Hră lăi pơthâo mơ̆ng Khul khua apăn bruă git gai Ping gah dêh čar ƀơi mông Jơnum ruah khua ping gah đơ đam dêh čar tal 14 ƀu kơnong pơƀut glăi thun blan ngă bruă laih rơgao đôč ôh, ăt dăp hlâo jơlan hơdră ngă bruă pơ anăp, mrô rơnoh đĭ kyar hăng tơlơi kiăng ngă pơ anăp. Amăng anun kual Dap Kơdư - Dơnung Tong Krah ƀuh rơđah kah hăng anih đĭ kyar phara biă mă, lu tơlơi gêh găl, khŏm kiăng pơplih kơtang đah mơ̆ng hrŏm hăng lŏn ia ta mut amăng “rơnuk hrưn đĭ mơ̆ng pô”.

VOV.Jarai-Amăng mông jơnum prong ruah khua tal 14 mơ̆ng Ping gah, bruă pơčrong sai ƀudah bơkơtuai ƀơi grup, ƀing khua mua pơ ala lăng yom biă mă: Hră pơtrun jơnum ruah khua ping gah tal XIV hơmâo pơƀut tơlơi pơmin, ia rơgơi, tŭ ư sa hnơ̆ng tong ten hloh plah wah  tơlơi pơmin ping gah hăng pran jua ană plơi. Anun lĕ tơlơi pơƀuh hiam klă hơdip mơda khin hơtai amăng bruă kơđi čar, atur dơlăm amăng lăm tơlơi pơmin hăng lăng nao pơ anăp adih sui thun mơ̆ng Ping gah ta ngă ƀơi anăp bưng bôt hăng tơlơi lông lăng phrâo mơ̆ng lŏn ia.

VOV.Jarai-Pơsir hĭ anŏ kơđông jơlan glông nao rai, kơnong tơdơi kơ rơbêh 6 blan đôč ngă tui bruă pơmut hrŏm tơring čar Lâm Đồng phrâo, hơmâo đing nao pok pơhai lu kơčăo bruă čuk pơkra jơlan glông nao rai, pơkra glăi jơlan hơđăp, čuk phrâo kiăng kơtưn bruă rô nao rai hruaih, hiam klă amăng kual hăng amăng tơring čar.

VOV.Jarai-Mơguah hrơi anai, lơ 23/1, Khul apăn bruă ping gah dêh čar tal XIV pơphun jơnum lok sa, ăt ngă tui bruă ruah mơnuih apăn bruă ngă khua amăng ping gah.

VOV.Jara-Sang bruă khua tơhan tơring čar Dak Lak pơphun jơnum pơƀut bruă mă, sem glăi ngă tui bruă jao “Bruă mă Quang Trung” djru mơnuih ƀôn sang rŭ glăi tơlơi răm ƀăm truh lŏn adai ngă, hơđong tơlơi hơdip mơda hăng ngă hmua pla pơjing.

VOV.Jarai-Dơ̆ng mơ̆ng lu ring bruă, kơčăo bruă phun yom amăng dêh čar, biă mă rơnoh pơđĭ kyar GDP thun 2025 hơmâo 8,02% brơi ƀuh, rơnoh pơđĭ kyar mơ̆ng Việt Nam amăng hơdôm thun laih rơgao ră anai hlăk ƀuh rơđah sa tơlơi mơak hloh. Tui hăng atur ngă hơđong bơwih ƀong huă, tơlơi đăo kơnang amăng mơnuih mơnam kơjăp tui hăng tơlơi kiăng hrưn đĭ kơtang hloh, ba lŏn ia pơtum djop anŏ gêh găl či yak nao amăng črăn pơđĭ kyar phrâo hmar hloh, hơđong kơjăp hloh laih anun ngă pô tong ten.

VOV.Jarai - Khua VOV kiăng ƀing hyu mă tơlơi pơhing khŏm krăo lăng tong ten, hơmâo thim tơlơi pơhing jum dar mông Jơnum đah mơ̆ng pơsit tơlơi đăo kơnang hăng hơdôm tơlơi yom phun mơ̆ng mông Jơnum, biă ñu tơlơi đĭ pơhiăp mơ̆ng Khua git gai Ping gah ơi Tô Lâm hăng hơdôm tơlơi ba pơčrông mơ̆ng ƀing khua.

VOV.Jarai-Hrơi anai (22/1) Jơnum ruah khua mua đơ đam dêh čar mơng Ping gah yak nao hrơi mă bruă tal pă.

VOV.Jarai-Amăng hơdôm hrơi đơ đam dêh čar anăp nao Jơnum tal XIV mơng Ping gah hăng pran đăo gơnang yak nao “rơnuk hrưn đĭ mơng pô”, ƀơi hơdôm anih man pơkra jơlan rơdêh đuăi hmar Kơdư-Dơnung, ară jơlan mơng Chí Thạnh-Vân Phong găn nao tơring čar Dak Lak, pran jua ječ ameč kiăng pơgiong djop akŏ bruă man pơkra hlâo kơ Tết tui phiăn juăt Bính Ngọ.