VOV4.Jarai – Mơguah anai, ƀơi gru grua Gŏng kut khăn gru Hà Nội, pơphun ngă Lơphet anăp nao “Điện Biên Phủ - Tơlơi čang rơmang lŏn ia”.

VOV4.Jarai – Amăng rơwang bơkơtuai pơgi kơdih ASEAN thun 2024, Khua dêh čar ta, ơi Phạm Minh Chính hăng Khua dêh čar Lao Sonexay Siphandone, dêh čar ngă Khua Khul ASEAN thun 2024 git gai hrŏm bruă bơkơtuai hăng anom bơwih ƀong hơdôm bôh dêh čar kual ASEAN hăng bơnah gum hrŏm.

VOV4.Jarai-Mơguah lơ 23/4, ƀơi Hà Nội, Khua dêh čar ơi Phạm Minh Chính nao jơñum hăng đĭ pơhiăp ƀơi mông jơnum Bruă kơñ pơgi ASEAN, sa tơlơi jơnum prong dưi pơphun tui hăng tơlơi pơčeh phrâo mơ̆ng Khua dêh čar.

VOV4.Jarai-Tlam lơ 22/4, ƀơi sang bruă ping gah dêh čar jơnum lăng nao rai amăng tivi pơtô lăi hăng pok pơhai ngă tui Hră pơčrâo trun mrô 32 mơ̆ng Khul git gai ping gah dêh čar brơi kơtưn git gai mơ̆ng Ping gah hăng bruă pơgăn hyu mă akan hơdang ƀu găl tơlơi phiăn jar kmar, yua ƀu lăi pơthâo, ƀu ngă djơ̆ tơlơi phiăn hăng pơđĭ kyar ƀu hơđong amăng bruă mă akan hơdang.

VOV4.Jarai-Tlam lơ 22/4, ƀơi anom bruă Kơnuk kơna, Khua dêh čar ơi Phạm Minh Chính hơmâo mông bưp nao rai hăng Khua dêh čar Lao, ơi Sonexay Siphandone ƀrô tal rai jơnum kơ bruă kơñ pơgi ASEAN ƀơi Hà Nội.

VOV4.Jarai - Hlăk ai jing mơnuih yôm biă mă amăng bruă akŏ sa kual ASEAN rơngai, hơđong kjăp hăng pơdrong sah. Anai jing tơlơi pơsit hrŏm hơmâo ba tơbiă ƀơi mông bơkơtuai kơplah wah Khua čih pioh ASEAN Kao Kim Hourn hăng hlăk ai ASEAN, pơphun tlam tom brơi ƀơi Hà Nội.

VOV4.Jarai-Adai pơ-iă kơtang phang khôt prong ƀơi Dak Nông, ngă kơ lu đang kơphê djai krô, luh hla, jing hĭ hmua đôč đač. Dơnao ia arăng bư̆ pơkong thu abih, ia čroh hnoh, ia dơnao hơmâo hơđăp tơl čơđang atur yua ƀu hơmâo ia, mơnuih pla kơphê bơngơ̆t đut tơhnal hŭi bơyan pơ anăp ƀu hơmâo boh pĕ, lơ̆m hơdôm hrơi blan anai nua kơphê đĭ na nao.

VOV4.Jarai-Tŏ tui jơlan hơdră jơnum lok 32, mơguah lơ 22/4, ƀơi Ƀirô mă bruă, tui tơlơi git gai mơng Khua git gai pơ ala mơnuih ƀôn sang dêh čar ơi Vương Đình Huệ, Jơnum min apăn bruă Khua pơ ala mơnuih ƀôn sang pơgôp hiăp kơ tơlơi phiăn dưm dăp man pơdong plơi prong hăng ƀon lan.

VOV4.Jarai- Tlam tom brơi lơ 21/4, Khua mir sir jang jai yă Võ Thị Ánh Xuân hrŏm hăng grup hyu mă bruă mơng gơnong glông nao čuă, ƀơk gơnam brơi ling tơhan Điện Biên glăk dŏ hơdip amăng plơi prong Điện Biên Phủ.

VOV4.Jarai – “Bruă blơi sĭ lŏn ƀơi Dak Lak amăng rơwang phrâo – Tơlơi lông hăng tơlơi gal” jing bruă bơkơtuai yua Khul blơi sĭ lŏn sang tơring čar Dak Lak pơphun. Anai lĕ bruă bơkơtuai gah gơnong bruă tal blung a dưi pơphun tơdơi kơ hơdôm hrơi bruă blơi sĭ lŏn dŏng glăi ƀơi tơring čar anai.