Amăng hrơi mông bă blai pran gum pơgôp yôm phiăn kơplah wah Việt Nam-Lao, grup hyu mă bruă hơmâo jao giăm 400 anung gơnam brơi hơdôm boh sang anŏ ƀơi 6 boh plơi pla amăng tơring glông Đắc Chung. Hơdôm anung gơnam anai mah anet đôč samơ̆ bă blai pran khăp pap, tơlơi gum djru hăng tơlơi glăm ba mơng ƀing apăn bruă, ling tơhan ƀôn prong Đà Nẵng hăng mơnuih ƀôn sang kual giăm guai dêh čar Lao ƀrô bơyan čơkă thun phrâo Bunpimay.

Ƀing nai ia jrao amăng grup hơmâo khăm, črâo brơi bruă pơjrao hăng ƀơk jrao brơi rơbêh 450 čô mơnuih. Bruă mă anai ƀu djơ̆ kơnong pơdah pran djru khăp pap đôč ôh mơ̆ ăt ngă hơbôr đĭ tơlơi rô nao rai gum pơgôp yôm phăn, hlâo tơdơi jing sa kơplah wah dua boh dêh čar Việt Nam-Lao lăi hrŏm, kơplah wah ƀôn prong Đà Nẵng hăng tơring čar Sê Kông hnun mơn.