VOV.Jarai-Mơmŏt tom brơi (3/2), ƀơi Sang ngui adôh suang Hồ Gươm (Hà Nội), tal hơdor glăi 96 thun hrơi akŏ pơjing Ping gah Cộng Sản Việt Nam (3/2/1930-3/2/2026), Khul pơphun bruă gơnong glông gum hrŏm hăng hră čih tơlơi pơhing Cộng sản, hră pơhing Nhân Dân, Gong pơdah rup Việt Nam hăng Khul mơnuih čih tơlơi pơhing Việt Nam pơphun mông ngă lơphet pơpŭ Khua git gai Ping gah hăng lăi pơthâo, jao pri Búa Liềm Vàng tal X thun 2025.

VOV.Jarai-Bruă sĭ mơdrô gơnam ƀơi Dak Lak glăk dik dak hăng mơnuih blơi gơnam him lăng amra đĭ giăm 30% pơhmu hăng hơdôm blan pơkŏn. Ƀơi anăp kơ bruă mơnuih blơi yua gơnam đĭ kơtang, gơnong bruă bơdjơ̆ nao ƀơi Dak Lak hrŏm hăng hơdôm khul grup, ƀing mơnuih bơwih ƀong sĭ mơdrô hơdôm gơnam yua amăng bơyan tết hơmâo hăng glăk pok pơhai lu jơlan hơdră ngă hơđong nua, pơhlôm djop gơnam tam, anăm brơi găn hĭ bruă ba sĭ gơnam, anăm brơi kơƀah gơnam tam, mơng anun pơhlôm brơi tơlơi dưi hăng lăp djơ̆ tơlơi kiăng blơi yua gơnam mơng mơnuih ƀôn sang.

VOV.Jarai-Ƀrô hơdor glăi tal 96 thun hrơi akŏ pơjing ping gah Cộng sản Việt Nam lơ 3/2/1930-lơ 3/2/2026), mơguah tom brơi, lơ 3/2, grup khua mua apăn bruă ping gah dêh čar, khua mua  anom bruă pơ ala mơnuih ƀôn sang dêh čar, anom bruă khua mir sir, Kơnuk kơna, Jơnum min djop djuai ania mơnuih mơnam dêh čar nao dưm guang bơnga čuă pơsat jep Khua mir sir Hồ Chí Minh.

VOV.Jarai-Hăng kŏ bruă “Dak Lak-Mut phung hăng Pơđĭ kyar”, thun 2026, tơring čar Dak Lak pok pơhai lu bruă mă, jơlan hơdră pơtrut pơsur čơkă tuai hyu ngui, kơnang kơ mông jơnum ngui, gru grua hiam mơak amăng thun.

VOV.Jarai-Ƀrô tal hơdor glăi 96 thun hrơi akŏ pơjing Ping gah Cộng sản Việt Nam, mơ-ak Jơnum ruah khua mua đơ đam dêh čar tal XIV mơng Ping gah pơphun hiam klă, mơguah lơ 3/2, ƀơi Ƀirô Ping gah pơphun mông ngă lơphet jao grăt 45 thun mut Ping gah brơi ơi Tô Lâm, Khua git gai Ping gah Cộng sản Việt Nam.

VOV.Jarai - Tơdơi kơ Jơnum ruah khua ping gah đơ đam dêh čar tal 14 tŭ yua truh kih laih, hơdôm boh tơring amăng Dap Kơdư hăng Dơnung Tong Krah ječ ameč ngă tui tơlơi pơtrun hăng jơlan hơdră, akŏ bruă sit nik. Tui anun, tơring čar Dak Lăk gir hrŏ trun ƀun rin hơđong, djru neh met djuai ania ƀiă bơwih ƀong; tơring čar Khánh Hòa gir pơđĭ tui rơnoh đĭ kyar, pơplih klă anih tuh pơ alin, man pơdong anih anom. Tơhan pơgang guai hơdôm boh tơring bong kjăp lŏn ia, rơnuk rơnua amăng kual.

VOV.Jarai - Ngui sang čơ Bơyan bơnga 2026 pơphun mơguah tom brơi, lơ 2/2 ƀơi Anih pơdă prưng Việt Nam, hăng anăn “Pơtruh tơlơi pơdrong sah - Čơkă bơyan bơnga hing ang”.

VOV.Jarai - Mơmot lơ 2/2, ƀơi Hà Nội, Khua git gai Ping gah ơi Tô Lâm, Khua ping gah khul tơhan nao pơhmư̆ mông jơnum pơƀut glăi bruă mă, brơi pri čih tơlơi pơhing “Kjăp tơkai yŭ hla gru Ping gah” čih kơ Ping gah ta kơdrưh kơ-ang, Wa Hồ prong prin.

VOV.Jarai - Lơ 2/2, Jơnum min djŏp djuai ania mơnuih mơnam Việt Nam tơring čar Dak Lăk pơphun Jơnum pơčrông tal dua, pơsit anăn 22 čô khua hơmâo tơbiă anăn ba ruah amăng khul khua pơ ala mơnuih ƀôn sang dêh čar tal 16, rơwang thun 2026-2031.

VOV.Jarai-Tlam lơ 2/2, ƀơi Hà Nội, Ding jum gru grua, Pơrơguăt drơi jăn hăng Tuai čuă ngui ngă hrŏm Jơnum min mơnuih ƀôn sang tơring čar Gia Lai jơnum lăi pơthâo hăng ƀing čih tơlơi pơhing kơ Thun čơkă tuai gưl dêh čar ƀơi Gia Lai 2026.