Mông jơnum pơƀut sem lăng bruă kiăng pok pơhai ngă tui Tơlơi klah čun mrô 18 mơ̆ng Kơnuk kơna kơ đĭ kyar bơwih ƀong huă - mơnuih mơnam, prăk kăk amăng dêh čar, hrŏm hăng bruă pơklaih brơi tơlơi dŏ gun kơčăo bruă aka ƀu dưi ngă. Lăi dlăm, anai jing mông jơnum blung a, tơdơi kơ dăp giong gong gai Kơnuk kơna rơwang thun 2026-2031, Khua dêh čar ơi Lê Minh Hưng kiăng ding kơna amăng Kơnuk kơna ječ ameč ngă bruă amăng hrơi mông glăk hơmâo lu bruă kiăng ngă ječ, ngă sui.

Mơ̆ng bruă sem lăng,pơtŏng glăi, ră anai dêh čar ta dŏ năng ai 1.500 kơčăo bruă dŏ gun, tơnap aka ƀu dưi ngă. Khua dêh čar jao kơ Anom bruă Kơnuk kơna hăng Ding jum Prăk kăk git gai, ngă hrŏm hăng hơdôm ding jum, anom bruă, tơring čar,ƀon prong, yŭ kơ tơlơi git gai mơ̆ng Kơ-iăng khua dêh čar ơi Nguyễn Văn Thắng, čih hră lăi pơthâo glăi pơƀuh kơ anom bruă dưi pơsir, laih dong rơkâo kiăng pok prong anih či pơsir bruă đah mơ̆ng hruaih bruă mă, tơlơi gêh găl, hŭi kơ huač prăk, prai khưi khai ngăn mơ̆ng Kơnuk kơna, anom bơwih ƀong hăng mơnuih ƀôn sang./.