Lăi pơthâo 12 mơta bruă či ngă, hơdră pơsir yom hloh hrơi blan pơ anăp, Khua dêh čar ơi Lê Minh Hưng pơtrun hiăp brơi tŭ ư sa tơlơi pơmin, tơlơi thâo hluh, anŏ či kiăng hăng bruă ngă pioh ngă tui tơhnal pơkă rơnoh pơđĭ kyar bơwih ƀong huă “2 boh mrô”, amăng anun lăi pơtong, khom pơtum hăng ba yua tŭ yua hloh djop pran kơtang pioh pơtrut pơđĭ kyar; gir run kiăng dưi pơhrui prăk kơ kông ngăn dêh čar đĭ 10%; pơkrem prăk yua 10%; laih dơ̆ng pơtum pơsir hmar, tañ hloh khom đut tơhnal hơdôm tơlơi dŏ gun amăng djop kơčăo bruă kơđông sui thun pơdjơ̆ nao kơ lŏn mơnai, apui yua, ia jâo jing pran kơtang kơ hơdôm hrơi blung a amăng rơwang bruă phrâo mơ̆ng Kơnuk kơna phrâo ruah đĭ.

Amăng blan 4 anai, ngă giong bruă jŭ yap glăi, pơhrua nao hăng jao tơhnal pơkă pơđĭ kyar rim mơta bruă kơ djop tơring čar, ƀôn prong, group sĭ mơdrô prong, sang bruă mơdrô yua kơnuk kơna ngă pô thun 2026 hăng rơwang mơ̆ng thun 2026-2030. Khua dêh čar lăi rơđah, amăng thun 2026, amra jŭ yap glăi abih bang glông bruă tơlơi phiăn hăng akŏ pơdong glăi bruă mă čih pơkra tơlơi phiăn Việt Nam amăng rơnuk phrâo, ngă pơrơđah hloh tơlơi phiăn pơkă ngă tui sit nik, jơlan hơdră yom phara ƀơi tơring čar dưi tơpă hnơ̆ng, jing kơnôl ngă tui djơ̆ tơlơi phiăn amăng đơ đam dêh čar.