Tơdơi kơ mông čơkă, Khua dêh čar ơi Lê Minh Hưng hăng Khua dêh čar Slovakia Robert Fico ba jơlan khua mua pơprong dua bơnah nao jơnum bơkơtuai. Khua dêh čar ơi Lê Minh Hưng pơsit tong, Việt Nam amra tŏ tui lăng yôm hăng čang rơmang pơtrut ba tơlơi rô nao rai hăng dêh čar Slovakia-sa amăng hơdôm bơnah ngă prong prong hloh mơng Việt Nam ƀơi kual Tong krah Ngŏ Mi kô̆-tơlơi rô nao rai jai dơlăm, sit nik hăng tŭ yua.

Hăng pran jua anun, dua bơnah hơmâo pơlăi nao rai sit nik, pok phư kơ bruă amăng jar kmar, amăng kual hăng hơdôm hơdră bruă kiăng ngă pơplih phrâo, sit nik ƀiă dong amăng tơlơi rô nao rai dua bơnah, ngă tong ten hăng dơlăm ƀiă dong tơlơi rô nao rai sui pơ anăp; gum hrŏm kjăp phik kiăng pơsir hĭ hơdôm tơlơi lông amăng kual hăng rŏng lŏn tơnah laih dong anăp nao hơnong pơkă pơđĭ kyar hơđong kjăp yua tơlơi dưi mơng rĭm boh dêh čar, yua kơ tơlơi rơnuk rơnua, hơđong, ngă hrŏm hăng pơđĭ kyar amăng kual hăng rŏng lŏn tơnah.