Tui hăng tơlơi lăi pơthâo, ră anai dŏ hơmâo 198 bruă sĭ mơdrô  hơmâo hră pơsit dưi pok laih anun 4.604 mơta hră pơ-ar dưi sĭ mơdrô. Tơlơi klah čun mrô 18 Jơnum lok 2 Khul khua apăn bruă git gai Ping gah tal 14 kiăng hơdôm ding jum, anom bruă lăng glăi abih, pơhrŏ dong 30% bruă sĭ mơdrô hơmâo hră pơsit dưi bơwih ƀong, laih dong pơhrŏ 100% tơlơi pơkă hră pơ-ar sĭ mơdrô ƀu kiăng đơi. Hrŏm hăng anun, pơhrŏ hĭ 50% hrơi ngă hră, 50% prăk ngă hră; gưl Ding jum ngă ƀu dưi rơgao 30% mrô hră pơ-ar yua gơñu wai lăng.

Klah čun glăi, Khua dêh čar kiăng, truh lơ 20/4, hơdôm ding jum khŏm lăng glăi, ba tơbiă hơdră pơhrŏ trun, pơplih bruă ngă hră pơ-ar sĭ mơdrô, bruă bơwih ƀong sĭ mơdrô khŏm kiăng hră pơ-ar; Anom bruă Kơnuk kơna, Ding jum Tơlơi phiăn pơtum glăi, lăng glăi abih bang, giong anun pơdah pơ Kơnuk kơna kĭ brơi amăng blan 4.