Pơhiăp git gai mông jơnum, Khua git gai Ping gah, Khua mir sir ơi Tô Lâm lăi rơđah, tơlơi kiăng ngă tơdơi kơ mông Jơnum anai lĕ thâo rơđah, pơphun ngă tui khut, abih bang, tŭ yua, hơmâo tơlơi pơplih rơđah amăng abih anom bruă kơđi čar.

Khua git gai Ping gah, Khua mir sir ơi Tô Lâm kiăng, khut pơplih tơlơi pơmin mă pơ anăp đôč ƀu pơmin nao ôh tơdơi adih ƀơi anih ngă hră, pơmin mă pơ anăp đôč mơ̆ng anom bruă, pơmin mă amăng rơwang thun ngă bruă đôčamăng hơdră prăp rơmet đĭ kyar, pran jua lĕ rim bruă prăp rơmet dăp glăi mơ̆ng tơring, mơ̆ng anom bruă khŏm lăng nao abih bang, pơlir hăng rim kual. Amăng bruă dưm dăp glăi khŏm lăng yom hloh bruă apui lơtrik, khut ƀu pioh ngă bruă tŭ kơ hơmâo, kơtưn tui arăng đôč, tui hăng tơlơi kiăng mă pô, rơkâo lĕ brơi, ngă tui amăng rơwang bruă đôč. Djŏp bruă mă khŏm pơmut amăng hơdră đĭ kyar abih bang, hơmâo pơtŏng rơđah, tơpă sit./.