Ƀơi mông jơnum pơđut hĭ, Khul pơphun bruă pơplông hơmâo pơpŭ hăng brơi 24 pri Mah; 37 pri ia prăk, 71 pri ia kông; 60 pri pơsur pran jua kơ hơdôm tơlơi pơplông: Pơtui jua pơhiăp ƀơi anăp, tơlơi pơhing ră ruai bruă hơmâo sit amăng tơlơi hơdip, ră ruai glăi bruă hơduah ĕp kơđi, pơtui jua pơhiăp djuai ania ƀiă; podcast...Amăng anun hơmâo lu tơlơi pơhing hơmâo anŏ pel ĕp, ĕp ƀuh, hơduah tơña; lu tơlơi pôr pơhing rơnuk phrâo hơmâo ƀing čih tơlơi pơhing, hră pơhing hăng pơtui jua pơhiăp pơdah rup tơring čar, ƀôn prong prăp rơmet pôr pơthâo yom, thâo pơčeh biă, hơmâo lu mơnuih pơđing hmư̆.

Rơngiao kơ anun, Khul pơphun pơplông ăt brơi pri apah bơni pơkŏn dong: Pri mơnuih ră ruai (host) rơgơi hloh; Pri mơnuih pơtui jua pơhiăp ƀơi anăp rơgơi hloh; Pri ekip pơkra jơlan hơdră pơtui jua pơhiăp ƀơi anăp rơgơi hloh; Pri pô pơtui jua pơhiăp rơgơi hloh; Pô gư̆ măi pơhrip jua pơhiăp rơgơi hloh. Nao pơplông tal anai, VOV Tây Nguyên hơmâo 1 Pri Mah, 1 pri ia Prăk hăng 1 pri pơsur pran./.