Hră lăi pơthâo brơi ƀuh, mah hơmâo rơnoh đĭ kyar GRDP 7,47%; prăk pơhrui bruă blơi gơnam hăng čar rơngiao hrŏ trun rơbêh 20% pơhmu hăng tơđar, rơnoh sĭ gơnam kơ mơnuih blơi yua hăng prăk bơwih bơwang pơhrui glăi đĭ mơn, samơ̆ aka ƀu kiăo tui tơlơi kiăng ôh.

Lu tơlơi dŏ gun kah hăng bruă pơsir brơi hơdôm kơčăo bruă gah rơgiao prăk kơnuk kơna tuh pơ alin dŏ kaih, biă ñu bruă apui lơtrik hơdjă; prăk brơi či tuh pơ alin glăk hơmâo rơbêh 5% đôč; mrô anom bơwih ƀong lui bruă rơbêh 110%. Pơhiăp ƀơi mông jơnum, Khua jơnum min mơnuih ƀôn sang tơring čar Lâm Đồng ơi Hồ Văn Mười lăi, bruă ngă hrŏm aka ƀu rơ-oa ôh, dŏ hơmâo bruă “ba nao ba rai” hră pơ-ar ngă tơnap kơ anom bơwih ƀong. Tơring čar kiăng hơdôm gơnong bruă, anom bruă, să phương jao rơđah tơlơi glăm bruă mơ̆ng pô ngă khua, ngă hră pơ-ar amuñ, mă yua boh thâo mrô, pơsir đut hlao tơlơi tơnap kơ rơbêh 300 kơčăo bruă dŏ kaih./.