VOV.Jarai-Lơ 17/9, ƀơi Kual Lumpur, dêh čar Malaysia, amăng tal nao jơnum hrŏm khua mua pơ ala mơnuih ƀôn sang djop dêh čar ASEAN tal 46, iâu klah čun (AIPA-46), ơi Trần Thanh Mẫn, Khua git gai pơ ala mơnuih ƀôn sang dêh čar ta hơmâo mông bưp nao rai dua bơnah hăng khua pơ ala mơnuih ƀôn sang dêh čar Kur laih anun khua pơ ala mơnuih ƀôn sang dêh čar Timor Leste.

VOV.Jarai-Mơguah lơ 18/9, ƀơi sang bruă Kơnuk kơnadêh čar, Khul khua apăn bruă ping gah kơnuk kơna, jơnum lăi pơthâo, ngă tui Hră pơtrun mrô 294 mơ̆ng Khul apăn bruă ping gah dêh čar kơ bruă ngă tui tơlơi phiăn Ping gah; Hră pơtô ba mrô 06 mơ̆ng Khul git gai ping gah dêh čar kơ hơdôm tơlơi brơi ngă tui tum teč hloh Tơlơi phiăn ping gah; hăng Hră pơčrâo mrô 50 mơ̆ng Khul git gai ping gah brơi pơblih phrâo, pơđĭ tui boh tŭ yua jơnum amăng khul ping gah rơnuk phrâo.

VOV.Jarai - Khua mir sir Hồ Chí Minh pơtô: Ƀing khua yơh phun akha mơ̆ng djŏp bruă. Amăng hrơi blan gong gai phrâo hơmâo pơphun glăi, bruă lu tui, khua mua aset tui mơn, tơlơi gơgrong bruă mơ̆ng phun akha mơ̆ Wa lăi nao, jai hrơi yôm hloh. Tơring čar Khánh Hòa hơmâo mă yua KPI - Mrô pơkă anŏ tŭ yua bruă mă či pơsit pô mă bruă anun ngă bruă klă hă ƀô̆. Hăng hơdră anai, Khánh Hòa gir gah lui abih tơlơi pơmin pran jua hơjăn pô, “khăp - bơrơmut” amăng bruă pơtŏng sit, anăp nao mơnuih biă, bruă biă, boh tŭ yua biă. Mơ̆ng anun, pơtrut pran jua kiăng ƀing khua, mơnuih mă bruă kơnuk kơna gir, laih anun jing pơtrut pran jua kiăng tơring čar đĭ kyar.

VOV.Jarai - Mơguah tom brơi, lơ 17/9, ƀơi sang bruă Kơnuk kơna, Khua dêh čar ơi Phạm Minh Chính git gai Jơnum đơ đam dêh čar pơtrut tuh pơ alin bruă kơnuk kơna jao thun 2025 (tal 3).

VOV.Jarai-Tlam tom brơi (16/9), amăng jơnum lok 2, Jơnum min pơ ala mơnuih ƀôn sang tơring čar Khánh Hòa hơmâo sem lăng, pơsit hơdôm tơhnal pơkă kơ bruă ruah mơnuih apăn bruă.

VOV.Jarai - Tom brơi (lơ 16/9), ƀơi sang bruă Ping gah, Khua git gai Ping gah dêh čar Việt Nam ơi Tô Lâm hơmâo bưp Pô djru bruă Khua mir sir dêh čar Nga, Khua khul wai lăng ia rơsĭ Nga ơi Nikolai Patrusev, glăk rai čuă dêh čar Việt Nam mơ̆ng lơ 15-18/9/2025.

VOV.Jarai - Khua dêh čar ơi Phạm Minh Chính čang rơmang hơdôm anom bơwih ƀong, mơnuih bơwih ƀong ngă tui djơ̆ hăng tơlơi pơtrun, tơlơi črâo ba mơ̆ng Ping gah, Kơnuk kơna, pơƀuh tơlơi pơmin sĭ mơdrô hăng tơlơi gơgrong bruă mơ̆ng mơnuih tơpuôl; gum hrŏm hăng Ping gah, Kơnuk kơna wơ̆t hăng mơnuih ƀôn sang gir kiăo tui jơlan rơngai djuai ania, tơlơi pơmin phun anăp nao tơlơi hơdip klă kơ mơnuih ƀôn sang.

VOV.Jarai - Jơnum anai hơmâo pơtruh mơ̆ng anih phun lĕ Đà Lạt truh pơ 120 boh să phường amăng tơring čar, laih anun hơmâo 1.720 čô khua pơhmư̆.

VOV.Jarai-Amăng thun 2025 mơtam ƀơi tơring guai dêh čar kual gah yŭ tơring čar Gia Lai hơmâo tuh pơ alin man pơdong lu sang hră đôm lăm, čem rông ba čơđai sang hră gưl sa hăng gưl dua. Lu anih hrăm, anih dŏ, sang ƀong huă, tơdron ngui ngor hăng lu mơta gơnam yua pơkŏn hơmâo soh, hơdôm ring bruă anai amra djru ngă pơblih anih dŏ, anŏ hrăm kơ rơbêh 9.400 čô čơđai sang hră ƀơi 7 boh să ter jơlan guai dêh čar, djru pơtrut čơđai hrăm hră huăi tơbiă hrăm hră klă hloh amăng plơi pla mơnuih ƀôn sang djuai ƀiă.

VOV.Jarai-Tlam tom brơi (16/9, Khua git gai pơ ala mơnuih ƀôn sang dêh čar ơi Trần Thanh Mẫn hăng bơnai ñu yă Nguyễn Thị Thanh Nga hrŏm hăng khua mua pơprong dêh čar ta pơphun nao Jơnum khul pơlir Khua pơ ala mơnuih ƀôn sang hơdôm dêh čar kual Ngŏ dơnung Asia tal 46 (AIPA-46) hăng nao čuă sit nik dêh čar Malaysia dong mơng lơ 16-20/9/2025.