Tui hăng tơlơi lăi pơthâo glăi ƀơi mông jơnum, GRDP kŭi 1 mơ̆ng tơring čar Dak Lăk đĭ 7,47%, aset hloh kơ mrô ba tơbiă. Hơdôm tơlơi pơtrut đĭ kyar kah hăng măi mok pơkra gơnam - man pơdong, prăk tuh pơ alin bruă kơnuk kơna jao, pơhưč tuh pơ alin aka ƀu dưi ngă.

Ƀing khua brơi thâo, ră anai prăk či pơkra gơnam đĭ biă yua săng jâo đĭ, bơbeč kơtang kơ bruă pơkra gơnam, sĭ mơdrô. Bruă man pơdong ƀu đĭ đơi ôh yua nua gơnam či man pơkra pơmă đơi, lŏn či man pơdong aka ƀu dưi čuk pơkra.

Ƀơi anăp tơlơi lông prong anun, ơi Đỗ Hữu Huy, Khua Jơnum min mơnuih ƀon sang tơring čar Dak Lăk kiăng hơdôm anom bruă ječ ameč lăng glăi abih bang rơnoh đĭ kyar đah mơ̆ng pơsir hĭ hơdôm bruă đĭ kyar kaih, pơtrut kiăng brơi prăk tuh pơ alin, pơklaih brơi anŏ tơnap kơ hơdôm kơčăo bruă tŭ yua. Ƀing khua yơh pô git gai hăng gơgrong bruă glăk ngă.