Ƀơi anăp kơ tơlơi rơkâo ječ kiăng lŏm hĭ “kak kơñĭ” mơng Jơnum min kual Mi kô̆ (EC), tơring čar Dak Lak glăk pok pơhai ha amăng plĕ hơdôm hơdră kŏm mă akan hơdang ča čot, ƀu lăi pơthâo hăng ƀu djơ̆ tơlơi pơkă (IUU), hăng bruă akŏ phun lĕ wai lăng hơdôm boh ƀattô hăng tong ten anih mă akan hơdang. Đơ đam tơring čar ră anai hơmâo 2.576 boh ƀattô čih anăn, abih bang lêng kơ hơmâo hră pơsit brơi mă akan hơdang; abih bang ƀattô mơng 15 met pơ glông hơmâo truă măi krăo lăng lơm đuăi hyu amăng ia rơsĭ.

Mơng thun 2024 truh ră anai, anom bruă bơdjơ̆ nao hơmâo phak 119 boh ƀattô ngă soh, lu hloh bơdjơ̆ nao kơ bruă ƀu dưi pơkĕ nao rai măi krăo lăng hăng đuăi hyu mă ča čot. Bruă kiăo tui lăng anih mă hơmâo kơtưn hăng pơƀuh glăi amăng măi mok, pơhlôm wai lăng kjăp akan hơdang ba nao pơ hang. Pơ anăp anai, tơring čar Dak Lak tŏ tui hruă kjăp bruă krăo lăng, pơsir hĭ khut khăt hăng pơtrut kơtang bruă pơblang brơi kiăng mơnuih mă akan hơdang hluh rơđah, anăp nao lŏm hĭ “kak kơñĭ” sui pơ anăp.