Ƀơi mông jơnum, Kơ-iăng khua pơ ala mơnuih ƀôn sang dêh čar yă Nguyễn Thị Thanh lăi dlăm, tơlơi akŏ phun ră anai jing akŏ pơdong lŏn ia Việt Nam pơdrong kơtang, đĭ kyar tañ hăng kjăp, amăng anun đĭ kyar nao hrŏm hăng hơdôm bruă bơdjơ̆ nao ană mơnuih, mơnuih tơpuôl. Tơlơi pơmin tơpă hơnong lĕ lăng ană plơi yơh phun, ană mơnuih tong krah, tơlơi gơñăm hăng tơlơi pơtrut pran jua djŏp tơlơi pơtrun.

Jơnum min Gru grua, Mơnuih mơnam gơgrong akŏ phun lơ̆m ngă bruă bơdjơ̆ nao tơlơi hơdip ană mơnuih mơ̆ng phrâo tơkeng rai truh kơ djai rơngiă. Kiăng dưi ngă tŭ yua, Jơnum min gum pơgôp, tŏ tui tơlơi hơmâo hơđăp, tơlơi kiăng tuč rơnuč ñu lĕ akŏ pơdong sa Ƀirô khua pơ ala mơnuih ƀôn sang dưi ngă pô, rơgơi mơbruă, kiăo tui tơlơi phiăn, pơplih tui rơnuk phrâo hăng abih pran jua bơwih brơi mơnuih ƀôn sang, ƀu pơgao lui tơlơi djru pơpă ôh či đĭ kyar ană mơnuih.