Mơguah hrơi anai (lơ 7/4), ƀơi mông jơnum lok Sa, Khua pơ ala mơnuih ƀôn sang dêh čar tal XVI ăt pơphun ruah khua mua prong mơ̆ng Kơnuk kơna. Khua git gai Ping gah ơi Tô Lâm hơmâo ƀing khua pơ ala ruah ngă Khua mir sir dêh čar CHXHCN Việt Nam rơwang thun 2026-2031. Tơlơi pơtrun ruah ngă Khua mir sir hơmâo ƀing khua pơ ala mơnuih ƀôn sang dêh čar tŭ ư soh, hăng 495/495 čô khua pơ ala tŭ ư. Tơdơi kơ hơmâo ƀing Khua pơ ala ruah đĭ, Khua git gai Ping gah, Khua mir sir ơi Tô Lâm ƀuăn apăn bruă: “Yŭ hla kơ mriah pơtŭ kơñĭ kơdrưh mơ̆ng Lŏn ia, ƀơi anăp Khua mua pơ ala mơnuih ƀôn sang dêh čar, mơnuih ƀôn sang hăng abih bang mơnuih ruah khua, kâo, Khua mir sir dêh čar CHXHVN ƀuăn: Khut ha pran jua hăng Lŏn ia, hăng mơnuih ƀôn sang, hăng Phiah phiăn lŏn ia Cộng hòa xã hội chủ nghĩa Việt Nam, gir kơtir ngă bruă, ngă truh kih djŏp bruă hơmâo Ping gah, Kơnuk kơna wơ̆t hăng mơnuih ƀôn sang jao”.

Pơhiăp lơ̆m đĭ apăn bruă tơdơi kơ anun, Khua git gai Ping gah, Khua mir sir ơi Tô Lâm bơni kơ ƀing nao ruah khua, mơnuih ƀôn sang amăng dêh čar hăng pran jua gơgrong, kơtưn akŏ pơdong lŏn ia, plơi pla laih anun pran jua kjăp phik đăo kơnang kơ Ping gah Cộng sản Việt Nam hơmâo ngă brơi tal ruah khua pơ ala mơnuih ƀôn sang dêh čar tal XVI hăng ƀing khua pơ ala mơnuih ƀôn sang djŏp gưl rơwang thun 2026-2031 pơđut klă hiam./.