Hơdôm hrơi giăm anai, lu tơlơi pơhing ƀơi Dak Lak nač biă mă kơ tơlơi čơđai sang hră bơtaih amang tơdruă amăng sang hră. Lu rup video clip pơdah thâo lu mơnuih taih com sa čô, ngă pơmlâo čơđai sang hră, giong anun pơdah amăng internet, facebook, ngă lu mơnuih hil biă mă, sa tơlơi kiăng lăi nao răm ƀăm prong amăng tơlơi hơdip pran jua čơđai sang hră rơnuk anai, brơi ƀuh bruă ngă plah wah sang hră, sang anŏ, amĭ ama hăng nai pơtô aka ƀu tong ten ôh.

Ơi Lưu Tiến Quang, Kơ-iăng khua Gơnong bruă Pơtô hăng Pơjuăt tơring čar Dak Lak brơi thâo, anom bruă pơtô pơjuăt hơmâo pok pơhai ngă tui lu hơdră kiăng pơhlom, pơgang hlâo. Lu hră pơar git gai pơčrâo bruă, brơi ngă tui djru pơgăn tơlơi taih čom amăng sang hră, hơmâo pơtô lăi abih amăng sa thun hrăm.

Pơgăn tơlơi sat răm taih amang amăng sang hră khom thâo mơ̆ng phun tơdŭ ñu: akŏ pơdong anih anom sang hră hrăm rơnuk rơnua, hiam klă hăng čơđai sang hră khom đing hmư̆, gưt hiăp, dưi kah pơpha, djru ba tơlơi pơmin hmao kru.