Klah čun glăi ƀơi mông jơnum, Khua git gai ping gah, Khua mir sir lăi pơtong 5 mơta bruă pơprong kiăng pơtrut tui pơđĭ kyar tuh tia pơkra ming gơnam yua man pơdong pơ anăp adih, amăng anun, kiăng pơtong rơđah pơkra ming gơnam man pơdong jing bruă mă tuh tia pơkra gơnam hăng măi mok, ngă atur phun kơ bruă pơblih phrâo lŏn ia, pơkra ming gơnam phrâo kơ lŏn ia.

Khua git gai ping gah, Khua mir sir lăi rơđah, gir run pơblih mơ̆ng bruă kơnong hyu ĕp mă kông ngăn gŭ lŏn, jing hĭ bruă pơkra ming, ngă pô tơlơi thâo pơkra ming hăng pơđĭ tui rơnoh gơnam sĭ mơdrô; pơjing gơnam pơkra ming anun jing gơnam pơkra pơgang anŏ hơdjă ayuh hyiăng, mơtah mơda hloh, rơgoh tui, thâo rơgơi hloh, sĭ mơdrô hăng rơnoh pơmă hloh; pơjing rai bruă mă pơčeh phrâo ia rơgơi sĭ mơdrô amăng dêh čar; djơ̆ tơhnal pơkă, pel ĕp, sem lăng hăng pơhrăm mơnuih mă bruă thâo rơgơi hloh; pơtrut pơđĭ kyar sang bruă mơdrô Việt Nam ngă pô laih anun akŏ pơjing anih anom sĭ mơdrô phrâo, ba gơnam pơkra ming hơdjă pơgang anŏ mơtah, gum hrŏm lu sang bruă, lu anom bruă kơtưn pel ĕp na nao, krăp lăng hăng pơgang boh tŭ yua kơ dêh čar amăng thun blan mut phung jar kmar.