Tlam lơ 21/5, Jơnum min mơnuih ƀôn sang tơring čar Quảng Ngãi jơnum pơtong glăi bruă ba yua prăk čan tuh pơ alin kơ bruă čar amăng hơdôm să kual yŭ tơring čar. Truh ră anai, đơ đam tơring čar hơmâo mă yua 927 klai prăk, dưi ngă tui rơbêh 12 % akŏ bruă Khua dêh čar jao, ƀiă hloh rơnoh pơkă hăng lu anih pơkŏn amăng dêh čar. Kơnong kual gah yŭ tơring čar Quảng Ngãi dưi jao 2.800 klai prăk tuh pơ alin kơ bruă čar thun 2026. Truh lơ 20/5, kual anai hơmâo ba yua 514 klai prăk, dưi ngă 18% akŏ bruă jao đôč. Khua mua jơnum min mơnuih ƀôn sang tơring čar Quảng Ngãi lăi lĕ, kual Dap Kơdư yak nao amăng bơyan hơjan, tơdah ƀu pơtrut hmar bruă man pơdong, amra bơbeč  prong biă mă amăng bruă mă.

Khua mua jơnum min mơnuih ƀôn sang tơring čar Quảng Ngãi pơtrun hiăp tuh pơ alin, ƀing khua pô sang bruă tuh pơ alin hăng djop să khom ƀuăn ngă tui djơ̆ tơhnal pơkă rim blan, mơ-it akŏ bruă či ngă tui rơđah rơđong, pioh pơ alin hĭ, krăp lăng.

Jơnum min mơnuih ƀôn sang tơring čar pơtrun hiăp djop să pơtum brơi pơsir giong hơdôm tơlơi dŏ kơƀah aka ngă giong sui thun. Hơdôm tơlơi gun pơpă khom ngă hrŏm tong ten, pơčrong sai pơsir hĭ, ƀu lui tơlơi hơmâo bơjang nao rai pô glăm ba, hŭi ngă bơbeč truh kơ bruă hrŏm abih bang.