Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, anai lĕ mông mă bruă yôm phăn, yua Jơnum min tơlơi phiăn hăng phiah phiăn lĕ anom bruă akŏ phun amăng bruă mă mơng Ƀirô Khua pơ ala mơnuih ƀon sang dêh čar, sit biă ñu amăng hrơi mông Ping gah pơsit bruă pơgiong tơhnal pơkă, tơlơi phiăn lĕ sa amăng hơdôm bruă yôm phăn, anai lĕ “bruă pơtrut pơplih amăng pơtrut pơplih”; bruă pơgiong tơhnal pơkă pok jơlan brơi bruă pơđĭ kyar.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo Khul djru bruă jơnum min đing nao pơčrông sai 5 grup bruă pơprong hơmâo Ping gah Ƀirô Khua pơ ala mơnuih ƀon sang dêh čar, Jơnum min apăn bruă Khua pơ ala mơnuih ƀon sang dêh čar, Khua pơ ala mơnuih ƀon sang dêh čar jao, sit biă ñu lĕ čih pơkra tơlơi phiăn, pơgăn hưp ƀong kông ngăn, yua kông ngăn pơrai khưi khai, ngă soh, ĕp lăng glăi hơdôm hră pơ-ar djơ̆ tơlơi phiăn; kiăo tui lăng bruă pok pơhai gong gai ƀon lan 2 gưl.