Mơguah lơ 7/4, Jơnum min pơsir anŏ kiăng mơnuih ƀôn sang hăng krăp lăng mơ̆ng ƀing pơ ala mơnuih ƀôn sang dêh čar, jơnum abih bang lok sa. Pơhiăp ƀơi mông jơnum, Kơ-iăng khua git gai pơ ala mơnuih ƀôn sang dêh čar, ơi Nguyễn Doãn Anh bơni hơ-ơč kơ Jơnum min pơsir anŏ kiăng mơ̆ng mơnuih ƀôn sang hăng Krăp lăng mơ̆ng anom bruă pơ ala mơnuih ƀôn sang dêh čar tal XVI dưi ruah djop 35 čô ding kơna, laih dơ̆ng lăng yôm bruă prăp lui tañ jơlan hơdră či mă bruă pioh pok pơhai bruă mă phun amăng thun 2026.

Lăi pơtong bruă kiăng pơblih phrâo, pơđĭ tui boh tŭ yua krăp lăng, Kơ-iăng khua git gai pơ ala mơnuih ƀôn sang dêh čar ơi Nguyễn Doãn Anh lăi lĕ, bruă mă anai amra dong ƀơi anăp tơlơi lông lăng, kiăng pơblih phrâo hơdră mă bruă, boh yom phun pioh ngă djơ̆ bruă ngă sit nik rim hrơi.

Bruă ngă krăp lăng kiăng kiăo tui tơlơi pơkă amăng Hră pơtrun jơnum ruah khua ping gah dêh čar tal XIV, hơdôm hră pơtrun, bruă ngă phun mơ̆ng gơnong dlông laih anun Ding jum kơđi čar, ăt kah hăng anăp ngă bruă đĭ pơhiăp git gai mơ̆ng Khua git gai ping gah ƀơi mông jơnum lok blung a khua mua pơ ala mơnuih ƀôn sang dêh čar tal XVI. Thun 2026, Jơnum min anai amra lăi pơthâo dăp hơdră boh yom phun kiăng pơđĭ tui anŏ tŭ yua bruă krăp lăng.