VOV.Jarai-Lơ 5/2, Kơ-iăng Khua mir sir yă Võ Thị Ánh Xuân ba jơlan hlâo nao ĕp lăng bruă mă jao krăp lăng mơ̆ng Jơnum min apăn bruă phun pơ ala mơnuih ƀôn sang dêh čar hăng Khul khua mua pơphun bruă ruah khua dêh čar nao pel ĕp bruă prăp lui ruah khua ƀơi tơring čar Lâm Đồng.

VOV.Jarai-Tlam lơ 4/2, Jơnum min plĕ hră tơring čar Dak Lak jơnum tal 5, pok pơhai bruă jao pơhlôm djơ̆ hrơi mông, djop tơlơi gal pơphun plĕ hră ruah Khua pơ ala mơnuih ƀôn sang tal XVI hăng Jơnum min pơ ala mơnuih ƀôn sang djop gưl rơwang thun 2026-2031.

VOV.Jarai-Tlam lơ 4/2, ƀơi Ƀirô Kơnuk kơna, Khua dêh čar ơi Phạm Minh Chính git gai jơnum Kơnuk kơna hăng hơdôm boh ƀon lan blan 1/2026, lăng nao rai ƀơi anăp hăng 34 boh tơring čar, ƀôn prong.

VOV.Jarai-Ƀrô čơkă thun phrâo 2026 hăng prăp či ƀong têt Bính Ngọ, tlam lơ 4/2, ƀơi Hà Nội, Khua git gai ping gah ơi Tô Lâm nao jơnum hrŏm bưp ƀô̆ mơta ƀing khua mua kông an djop rơnuk.

VOV.Jarai - Tlam lơ 3/2, ƀơi sang bruă Ping gah, Khua git gai Ping gah ơi Tô Lâm tŭ jum Khua git gai pơ ala mơnuih ƀôn sang gơnong yŭ dêh čar Jordan Mazen Turki El Qadi ƀrô hrơi ñu sit nik rai čuă dêh čar Việt Nam.

VOV.Jarai - Ƀrô ngă lơphet 96 thun Hrơi akŏ pơdong Ping gah Cộng sản Việt Nam (3/2), mơguah lơ 4/2, ƀơi sang bruă Ping gah, Ding jum kơđi čar, Khul khua git gai Ping gah pơphun bưp ƀing khua hơđăp ngă ding kơna Ping gah dêh čar djŏp rơwang bruă, čơkă bơyan bơnga Bính Ngọ 2026.

VOV.Jarai - Grup khua mơ̆ng tơring čar Dak Lăk nao čuă, bơni hơ-ơč Tê̆t kơ Anom bruă khua git gai tơhan pơgang guai tơring čar.

VOV.Jarai - Ƀu kiăng pơđar, ƀu kiăng pơgô̆ ngă, ăt ƀu tơguan kơ duh prăk, hơdôm glông jơlan ƀơi să Ia Hiao, tơring čar Gia Lai hơmâo pok prong sit mơ̆ng pran jua thâo pơmin mă pô, mơnuih ƀôn sang tŭ ư gum ngă. Mơ̆ng bruă pơpha brơi hơdôm met lŏn, ruh tah war sang, tơlơi đăo kơnang plah wah Ping gah hăng mơnuih ƀôn sang jai hrơi kjăp tui, anun yơh hơmâo jơlan djă anăn “Tơlơi pơtrun mơ̆ng Ping gah djơ̆ pran ană plơi pla”, pok rai tơlơi đĭ kyar phrâo kơ plơi pla tơdơi kơ pơmut hrŏm.

VOV.Jarai-Tom brơi (3/2), ƀơi tơring čar Dak Lak, grup hyu mă bruă mơng Anom pơphô bruă ling tơhan dêh čar Việt Nam yua Trung tướng Nguyễn Bá Lực, Kơ-iăng Khua anom pơphô bruă ba jơlan hlâo nao pel ĕp kơ bruă prap lui pơtop hrăm thun 2026 ƀơi anom bruă tơhan blah hơdeč 198-Binh chủng Đặc Công.

VOV.Jarai-Tlam tom brơi (3/2) ƀơi Ƀirô Kơnuk kơna, Khua dêh čar ơi Phạm Minh Chính tŭ jum nai prin tha Philipp Rosler-Khua grup bơwih ƀong huă Thụy Sĩ-Việt Nam (SVEF) hrŏm hăng 20 anom bơwih ƀong sĭ mơdrô Thụy Sĩ hăng kual Mi kô̆ nao ĕp lăng kơ bruă ngă hrŏm tuh pơ alin ƀơi Việt Nam.