Amăng tal nao čuă anai, Khua git gai ping gah, Khua mir sir ơi Tô Lâm amra bơkơtuai hăng khua git gai ping gah, khua mir sir dêh čar Khač, ơi Tập Cận Bình laih anun nao mă tơngan hăng ƀing khua mua pơprong dêh čar Khač, kiăng pơčrong sai tong ten anăp ngă bruă hrŏm, ngă tui lu hơdră pơprong ba tơlơi ngă giăng mah dua bơnah amăng črăn phrâo pơđĭ kyar hloh, hơđong hăng kơjăp tui.

Lơ̆m tơlơi pơhing amăng kual hăng rŏng lŏn tơnah hơmâo lu tơlơi pơblih bơtơpư̆ kơtang, tal nao čuă anai jing mông gêh găl dua bơnah pơčrong sai dlam hloh hăng tŭ yua sit nik tui hăng pran jua mă bruă tơpă, djơ̆ hnơ̆ng, pok pơhư prong lăi nao djop tơlơi amăng kual hăng ƀơi jar kmar dŏ kơđông hĭ, djru hrŏm pơsir tơlơi rơnuk rơnua, hơđong, ngă hrŏm hăng pơđĭ kyar amăng kual laih anun ƀơi rŏng lŏn tơnah.