VOV4.Jarai - Mơguah lơ 10/5, ƀơi Hà Nội, Kơ-iăng khua dêh čar ơi Trần Lưu Quang git gai Jơnum lăng mơ̆ng ataih hăng abih bang tơring čar ƀôn prong kơ bruă pơgang hlâo, pơgăn tơlơi truh lŏn adai ngă hăng hyu ĕp mơnuih bưp tơlơi truh thun 2024.

VOV4.Jarai - Tui hăng mrô pơkă bơkơtưn bơwih ƀong gưl tơring čar (PCI) thun 2023, yua Khul pơlir hơbit Sĭ mơdrô hăng Măi mok Việt Nam ngă hrŏm hăng Anom bruă pơđĭ kyar jar kmar dêh čar Mi phrâo lăi pơthâo, tơring čar Dak Nông dong mrô 21/63 boh tơring čar ƀôn prong.

VOV4.Jarai-Khul đah kơmơi mut phung tơring čar Dak Lak phrâo pok pơhai jơnum Hrơi mơak kơ Đah kơmơi pơphun bruă mă hăng hơdră pơblih yua mrô thun 2024.

VOV4.Jarai - Lơ 9/5, Khua dêh čar ơi Phạm Minh Chính git gai Jơnum khua črâo bruă kual lŏn dăo ia krông Hồng, lăi pơthâo bruă pơkă hơnong čuk pơkra kual lŏn dăo ia krông Hồng rơwang thun 2021-2030, lăng nao pơ thun 2050.

VOV4.Jarai-Mơguah tom brơi (9/5), ƀơi Hà Nội, Khul pơlir sĭ mơdrô hăng tuh tia pơkra ming Việt Nam (VCCI) pơphun mông lăi pơthâo mrô bơkơtưn gưl tơring čar (PCI) hăng mrô mơtah gưl tơring čar (PGI) thun 2023. Thun anai tơring čar Quảng Ninh tŏ tui ba jơlan hlâo thun tal 7 mơtăm hăng 71,25 puang PCI.

VOV4.Jarai-Dong mơng lơ 1/5 truh lơ 31/8, Anom bruă apui lơtrik Dak Lak pơphun hăng pok pơhai tal pơplông “Sang anŏ pơkrem yua apui lơtrik thun 2024”.

VOV4.Jarai-Lơ 9/5, Khua tơhan krên dên ơi Tô Lâm-Khua ding jum Kông ang mă bruă hăng Khul apăn bruă Ping gah ƀôn prong Hải Phòng kơ bruă pơjing Ping gah, anih anom kơđi čar, pơđĭ kyar bơwih ƀong huă-mơnuih mơnam, pơhlôm rơnuk rơnua.

VOV4.Jarai – Mơguah lơ 9/5, ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính, Khua Khul git gai kual Lŏn dăo ia krông Hồng git gai mông Jơnum tal 3 mơ̆ng Khul pioh lăi pơthâo Kual pơkă kual Lŏn dăo ia krông Hồng rơwang 2021-2030, tơhnal lăng nao truh thun 2050; klah čun ƀơƀiă 1 thun ngă tui Tơlơi pơtrun pơsit mơ̆ng Ding jum kơđi čar hăng Tơlơi pơtrun pơkă mơ̆ng Gong gai dêh čar; pel ĕp hơdră phara ha jăn pơđĭ kyar kual; kơčăo bruă git gai kual hăng pơsit bruă pok pơhai hơdôm rơwang bruă phun mơ̆ng kual Lŏn dăo ia krông Hồng.

VOV4.Jarai – Tơdơi giăm hmâo 2 blan pok pơhun, 20 rơwang bruă klă hloh mơ̆ng đah kơmơi tơring čar Dak Lak hmâo ruah mut pơplông rơwang rơnuč pơplông Đah kơmơi pok phun bruă pơčeh phrâo hăng pơplih mơtah gưl tơring čar pơphun amăng 2 hrơi (9-10/5) ƀơi plơi prong Buôn Ma Thuột.

VOV4.Jarai - Mơguah tom brơi (8/5), ƀơi Sang bruă Kơnuk kơna, Kơ-iăng khua dêh čar ơi Trần Hồng Hà git gai jơnum mă tơlơi pơgôp hiăp kơ Tơlơi pơkă kơ bruă duh prăk, djru pơdong plơi phrâo lơ̆m Kơnuk kơna mă glăi lŏn tơnah hăng Tơlơi pơkă kơ nua lŏn.