Mông jơnum hơmâo pơphun bưp ƀơi anăp hăng mơ̆ng ataih online, hơmâo rơbêh 20 rơbâo čô khua, mơnuih apăn bruă Pel ĕp bruă mă mơ̆ng Ping gah ƀơi 3.466 anih jơnum či hơdôm boh tơring čar, ƀon prong, să, phường, kual phara hơjăn ƀơi đơ đam čar ta. Klah čun glăi, ơi Trần Tiến Hưng, Kơ-iăng khua Jơnum min Pel ĕp bruă mă Ping gah kiăng Jơnum min Pel ĕp bruă mă djŏp gưl ping gah ječ ameč pơthâo glăi ping gah hrŏm hăng gưl čih pơkra Jơlan hơdră ngă bruă rơđah rơđông, tong ten, akŏ phun, lăp djơ̆ hăng bruă dưi ngă, bruă kiăng ngă, hăng tơlơi hơmâo sit nik mơ̆ng tơring, mơ̆ng anom bruă.

Tơlơi akŏ phun mơ̆ng jơlan ngă bruă khŏm rơđah bruă kiăng ngă lăp djơ̆ hăng tơlơi hơmâo mơ̆ng tơring, anom bruă, rơđah hrơi mông pơkă ngă giong, rơđah pô gơgrong bruă, tơlơi hơmâo pơhmutu kah hăng prăk kăk, mơnuih mă bruă, hăng bruă hơmâo ngă giong; nao hrŏm hăng bruă ba glăi lơ̆m ngă tui Tơlơi pơtrun mrô 05 hăng ñim glăi tơlơi soh, bruă aka ƀu dưi ngă, pơtŏng glăi khul ngă bruă amăng ping gah, gong gai, anom bruă kơnuk kơna hăng pô ngă khua tui hăng tơlơi pơtrun./.