Đĭ pơhiăp amăng mông mă bruă, Khua dêh čar ơi Lê Minh Hưng rơkâo, bruă jao pơđĭ kyar lŏn ia amăng rơwang phrâo lĕ tong ten biă mă, tơlơi glăm ba ngă tui lĕ prong hăng kơtrâ̆o biă, sit biă ñu amăng bruă pơhlôm hơnong pơkă pơđĭ kyar hơđong kjăp 2 mrô, amăng anun, Ding jum, gơnong bruă sĭ mơdrô kiăng glăm ba bruă jao phun, ba jơlan hlâo pơsir hĭ hơdôm bruă aka ƀu klă hăng pơtrut hơdôm bruă bơwih ƀong sĭ mơdrô kiăng dưi ngă djơ̆ hơnong pơkă ba tơbiă.

Khua dêh čar lăi pơtong, Ding jum sĭ mơdrô hăng tuh tia pơkra ming kiăng ječ ameč ngă tui hăng pơphun ngă tui hmao tlôn Akŏ bruă ngă tui jơlan hơdră bruă mă mơng Kơnuk kơna ngă tui tơlơi pơtrun mơng Jơnum tal XIV mơng Ping gah, tơlơi klah čun mrô 18 mơng gơnong glông…kiăng pok pơhai hơdôm boh tơhnal amăng hơdôm bruă wai lăng mơng Ding jum sĭ mơdrô hăng tuh tia pơkra ming (apui yua, ia săng, ia jâo, boh thâo ia rơgơi, pơplih pơčeh phrâo, sĭ mơdrô pơ tač rơngiao, sĭ mơdrô amăng lŏn ia); jao hơdôm hơnong pơkă, bruă mă, hrơi mông pơgiong tong ten brơi rĭm Khua apăn akŏ ding jum, anom bruă amăng ding jum, hơdôm grup bơwih ƀong kơnuk kơna, ƀon lan.