Amăng mông pơbưp giang mah, mơ-ak pran jua, dua čô khua hơmâo pơčrông sai dơlăm kơ bruă ƀơi rĭm boh dêh čar, tơlơi rô nao rai dua bơnah hăng hơdôm bruă amăng kual, jar kmar dua bơnah đing nao. Dua bơnah lăi pơtong bruă pok pơhai tơlơi yak nao sui pơ anăp kơ pơlir bơwih ƀong huă amăng rơnuk phrâo; anăp nao hơnong pơkă đĭ rơnoh sĭ mơdrô dua bơnah truh 150 klai đôlar Mi amăng thun 2030; laih dong ƀuăn tŏ tui ngă gêh gal sĭ mơdrô, pok phư bruă bơwih ƀong hăng djru bơwih ƀong sĭ mơdrô Việt Nam mut hrŏm dơlăm amăng sĭ mơdrô mơng Hàn Quốc. Khua git gai Ping gah, Khua mir sir ơi Tô Lâm rơkâo dua bơnah pơtrut kơtang ngă hrŏm kơsem min, pơjao nao rai bruă yua boh thâo măi mok, sit biă ñu amăng pok pơhai klă bruă akŏ pơjing Anom bruă boh thâo ia rơgơi Việt Nam-Hàn Quốc (VKIST).

Khua mir sir ơi Lee Jae Myung brơi thâo, Hàn Quốc amra djru nao rai măi mok amăng hơdôm gơnong bruă tuh tia pơkra ming kơñ pơgi anun lĕ boh thâo ia rơgơi ană mơnuih pơčeh, gơnam pơkĕ măi mok, apui yua hơdjă, pơtô mơnuih mă bruă rơgơi, pơgôp djru pơplih phrâo lŏn ia hăng pơđĭ kyar yua boh thâo phrâo mơng Việt Nam; rơkâo dua bơnah kơtưn pơlir bruă pơplih pơčeh phrâo, pơphun bơwih ƀong pơčeh phrâo kơplah wah dua boh dêh čar.