Ƀơi mông ngă bruă, Khua git gai Ping gah, Khua mir sir ơi Tô Lâm bơni, lăng yom biă hơdôm bruă hơmâo akŏ phun, abih bang mơ̆ Ping gah, gong gai laih anun Mơnuih ƀôn sang Hà Tĩnh hơmâo ngă amăng thun blan rơgao.

Pơ anăp dong, Khua git gai Ping gah, Khua mir sir kiăng tơring čar Hà Tĩnh khut khăt pơplih tơlơi pơmin, lăng nao ataih ƀiă laih anun pơplih hơdră git gai; čih pơkra hơdră bruă đĭ kyar hloh, mă anŏ đĭ kyar tañ hăng hơđong yơh ngă atur, lăng ană mơnuih yơh akŏ phun, boh thâo ia rơgơi, pơčeh phrâo hăng boh thâo mrô yơh pơtrut pran jua ngă bruă klă hloh, pok pơhai sit nik tŭ yua Tơlơi pơtrun 57 mơ̆ng Ding jum kơđi čar kiăng hơmâo anŏ pơplih rơđah amăng bruă mă. Khua git gai Ping gah, Khua mir sir ơi Tô Lâm đăo kơnang, hăng tơlơi rơgơi, kjăp bruă, pran jua kơtưn hrưn đĭ, Ping gah, gong gai hăng mơnuih ƀôn sang Hà Tĩnh amra gum pơgôp hloh, pơplih phrâo, pơtrut pran jua “Jua hơgor Xô Viết Nghệ Tĩnh”, hrưn đĭ hloh, đĭ kyar tañ, hlom bom, hăng hơđong kjăp, gum pơgôp bruă đĭ kyar hrŏm mơ̆ng lŏn ia ta./.