Mơ̆ng rơbêh 7 thun ngă tui Tơlơi pơtrun mrô 36, Ping gah tơring čar Dak Lăk hơmâo pơtrun 7 jơlan hơdră ngă bruă, ngă brơi tong ten 6 bruă pơplih prong; Jơnum min mơnuih ƀôn sang tơring čar hăng hơdôm gơnong bruă, anom bruă pơtrun lu bruă či ngă, hră git gai, ƀơ ƀrư̆ čih pơkra giong tơlơi phiăn đĭ kyar bơwih ƀong mơ̆ng ia rơsĭ. Ơi Lương Nguyễn Minh Triết, Khua ping gah tơring čar Dak Lăk kiăng pơ anăp anai, tơring čar pơƀut pơplih tơlơi pơmin “mă kiăng hơmâo” jing “bơwih ƀong mơ̆ng ia rơsĭ hơđong”, pơgang ia rơsĭ yơh yom phun.

Amăng anun, kiăng pơƀut lui hĭ hră kơñĭ IUU, wai lăng kjăp ƀat tô nao mă akan, ĕp ƀuh anih pơkra akan hơdang hơmâo, ngă bruă pơkra akan thâo pơmin gơgrong bruă, mut hrŏm jar kmar. Khua ping gah tơring čar Dak Lăk lăi dlăm, hơdôm tơmeh phun bơwih ƀong mơ̆ng ia rơsĭ mơ̆ tơring čar či pơƀut ngă kah hăng čơkă tuai nao ngui pơ ia rơsĭ klă hloh; pơkra akan hơdang hăng măi mok yơyom; ba sĭ akan hơdang ngă hrŏm mơ̆ng akŏ truh pơ tlôn; logistics ia rơsĭ, tơdrun kom păn, apui lơtrik phrâo pơ ia rơsĭ. Tơlơi lăp đing nao lĕ djŏp bruă đĭ kyar leng kơ mut hrŏm hăng gru grua laih anun pơgang ayuh hyiăng./.