Tui lăi pơthâo, rơwang thun 2021-2025, đơ đam tơring čar Dak Lak hơmâo 2.460 akŏ bruă mă yua ngăn drăp kơnuk kơna, amăng anun 1.579 akŏ bruă aka ƀu pel ĕp, jŭ yap glăi; 141 akŏ bruă bưp tơnap tap, gun găn, ngă kaih sui hrơi. Ơi Lương Nguyễn Minh Triết, Khua git gai Ping gah tơring čar Dak Lak rơkâo pel ĕp glăi djop mơta, pơčlah tong ten rĭm grup akŏ bruă, pơgiong hlâo lơ 15/5; laih dong ngă rơđah bruă jao brơi rĭm khul grup, ƀing mơnuih, pơlir hăng sem lăng mơnuih apăn bruă.

Tơring čar Dak Lak amra akŏ pơjing hơdôm grup ngă bruă yua khua mua Jơnum min mơnuih ƀôn sang tơring čar ngă akŏ, kiăo tui lăng, pơsir hĭ rĭm akŏ bruă, pơhlôm anăm brơi luk puk hăng pơsir hĭ khut khăt hơdôm anŏ aka ƀu klă. Bruă pơsir hĭ kiăng hrŏm hăng pel ĕp, kiăng lăng glăi tơlơi ngă soh rah, pơsir hĭ tơnap tap kiăng ba akŏ bruă anai dưi mă yua.