Thun 2026, Dak Lak ba tơbiă hơnong pơkă hrŏ trun 15% mrô hră pơ-ar, 10% mông jơnum; 100% mrô hră pơ-ar ngă ƀơi anom ha bah amăng; hrŏ 50% hrơi mông, prăk duh brơi anom bơwih ƀong sĭ mơdrô. Dak Lak ba tơbiă hơnong pơkă dong amăng grup 10 boh tơring čar ba jơlan hlâo amăng pơplih ngă hră pơ-ar.

Akŏ phun kơ bruă pơplih lĕ ngă amuñ ƀiă hăng pơtrut kơtang pơplih mrô, hăng tơlơi rơkâo ngă amăng măi mok djop hră pơ-ar, pơlir mut hrŏm hăng Anih djru brơi mơnuih ƀôn sang dêh čar, pơhlôm ngă rơđah rơđông, krăo lăng tơpă. Hơdôm bruă phrâo ƀuh bơdjơ̆ nao lŏn mơnai amra kơtưn pel ĕp, pơsir hĭ khut khăt yua ngă luk puk; amra rơkâo pap mơñai tơdah ngă hră pơ-ar kaih. Tơring čar ăt pơtrut pơlăi nao rai hăng mơnuih ƀôn sang, anom bơwih ƀong sĭ mơdrô kiăng sem lăng boh tŭ yua amăng pơplih.