Hlâo kơ pơđut jơnum, ƀing pơ ala mơnuih ƀôn sang dêh čar hơmâo pơsit hĭ lu Hră pơtrun yom. Anun lĕ Hră pơtrun brơi pơtongg glăi rơnoh prăk kơnuk kơna mă yua amăng thun 2024; Hră pơtrun kơ Jơlan hơdră krăp lăng mơ̆ng khua pơ ala mơnuih ƀôn sang dêh čar thun 2027; Hră pơtrun akŏ pơjing khul khua krăp lăng sa hnơ̆ng bruă mơ̆ng khua pơ ala mơnuih ƀôn sang dêh čar thun 2027; Hră pơtrun mơ̆ng khua pơ ala mơnuih ƀôn sang dêh čar kơ pơđĭ kyar gru grua Việt Nam; Hră pơtrun akŏ bruă pơđĭ kyar bơwih ƀong huă mơnuih mơnam 05 thun mơ̆ng thun 2026-2030;

Hră pơtrun kơ jơlan hơdră tơlơi phiăn pơkă kơ bruă anih ngă phara pơsir djop tơlơi soh gah lŏn mơnai mơ̆ng sang bruă, khul mơnuih, sang anŏ mơnuih ƀôn sang hơmâo kơđi hlâo kơ tơlơi phiăn lŏn mơnai thun 2024 dưi ngă tui sit nik hăng pơsir hĭ hơdôm tơlơi tơnap tap, gun gan mơ̆ng djop kơčăo bruă aka ƀu ngă giong, sui thun. Ƀing pơ ala mơnuih ƀôn sang dêh čar pơsit hĭ Tơlơi phiăn čih pơkra pơhrua nao hơdôm tơlơi amăng Tơlơi phiăn mă jia ƀong prăk blan lu, pơhrui prăk lu ha wơ̆t hơmâo, tơlơi phiăn sa črăn amăng hơpluh blơi gơnam sĭ mơdrô, tơlơi phiăn duh jia prăk pơhrui glăi mơ̆ng sang bruă mơdrô laih anun tơlơi phiăn sĭ mơdrô gơnam hăng rơnoh prăk yom phara.