Pơhiăp ƀơi mông Jơnum, Khua dêh čar ơi Lê Minh Hưng lăi dlăm, tơlơi rô nao rai Việt Nam - Hàn Quốc ră anai ƀu kơnong pơdơi yah bruă ngă hrŏm sĭ mơdrô ƀudah tuh pơ alin đôč ôh, hơmâo mut amăng rơwang bruă yom hloh, rơwang ngă hrŏm abih bang hlom bom, gum ngă hăng pơjing rai anŏ yom, nua prong hloh amăng kual hăng jar kmar.

Khua dêh čar čang rơmang hơdôm anom bơwih ƀong dua boh dêh čar pơčrông sai, pơblăi nao rai tơpă, hơmâo tơlơi rơkâo đĭ rơđah, hrŏm hăng Kơnuk kơna dua bơnah pơklaih brơi tơlơi gun, dŏ kơđông hăng pok rai jơlan ngă hrŏm phrâo. Khua mir sir dêh čar Hàn Quốc ơi Lee Jae Myung lăi, lơ̆m tơlơi ƀu hơđong mơ̆ng tơlơi bơwih ƀong jar kmar glăk kơtang tui, bruă ngă hrŏm pơjing rai boh thâo ia rơgơi pơ anăp, jing tơlơi pơtruh nao rai đĭ kyar. Lăi nao prăk pơhrui sĭ mơdrô dua bơnah thun 2025 hơmâo laih 94,9 klai USD, Khua mir sir đăo kơnang pok prong tui bruă sĭ mơdrô, tuh pơ alin hăng dưi hơmâo rơnoh pơkă phrâo lĕ 150 klai USD amăng thun 2030./.