VOV.Jarai - Hrơi ngui Têt Bính Ngọ 2026, bruă hyu ngui ƀơi Dơnung Tong krah hăng dap Kơdư ƀuh tơlơi pơplih mơak biă, lơ̆m tuai hăng prăk pơhrui glăi đĭ soh ƀơi Lâm Đồng, Khánh Hòa hăng Dak Lăk.

VOV.Jarai-Amăng hrơi mông pơpŭ Ping gah, mơ-ak bơyan bơnga hơdôm hrơi akŏ thun phrâo Bính Ngọ, mơguah lơ 22/2 ƀơi Hà Nội, Khua git gai Ping gah dêh čar ơi Tô Lâm nao lăng hăng đĭ pơhiăp amăng mông pơphun “Tết pla kyâo hơdor na nao kơ wa Hồ” bơyan bơnga Bính Ngọ 2026.

VOV.Jarai-Hơdôm hrơi ƀong tê̆t tui phiăn juăt, lu sang anŏ glăk pơtum jơngum ƀong huă akŏ thun phrâo, amăng kual ia rơsĭ Trường Sa (tơring čar Khánh Hòa), hơdôm rơbâo čô mơnuih hyu mă akan hơdang hơdôm boh tơring čar kual Dơnung tong krah ăt glăk hyu mă akan hơdang, čơkă thun phrâo amăng ia rơsĭ. Hăng ƀing gơñu, đuăi hyu amăng kual ia rơsĭ hrơi tê̆t, kơnong pơwot glăi pơ hang tơdah hơmâo akan hơdang.

VOV.Jarai-Hơdôm tơlơi pơplih amăng bơwih ƀong, gru grua, mơnuih mơnam ƀơi kual Dap kơdư, pơgôp hrưn đĭ tơlơi hơdip kual mơnuih djuai ania ƀiă, pơjing hơđong kjăp plơi pla phrâo.

VOV.Jarai-“Bơyan bơnga gum hrŏm kual pơgang kual ia rơsĭ-Tê̆t bă blai pran khăp tơhan mơnuih ƀôn sang” anai lĕ anăn amăng jơlan hơdră adôh suang uia Anom bruă git gai tơhan kual 2 tơhan sơlup pơphun ƀrô bơyan ngui ƀong tê̆t tui phiăn juăt Bính Ngọ 2026. Jơlan hơdră pơphun amăng hrơi mông pơđao pran jua, bă blai pran khăp pap hăng tơlơi mut hrŏm mơng ƀing pơ ala hơdôm anom bruă, gơnong bruă, sang hră, gong gai ƀon lan hrŏm hăng hơdôm boh sang anŏ tui hơdră djru, ƀing čơđai lĕ ană bă mơnuih hyu mă akan hơdang hơmâo tơhan sơlup djru rông ba hăng lu mơnuih apăn bruă, ling tơhan.

VOV.Jarai-Hơdôm tơlơi čang rơmang man pơdong plơi pla mơng mơnuih ƀôn sang hăng pran jua hur har ngă bruă mơng hlăk ai kual Dap kơdư amăng thun phrâo Bính Ngọ 2026.

VOV.Jarai-Tơdơi kơ hrơi blan kơđŏm pioh pơmut hrŏm, tơring čar Dak Lak yak nao amăng thun 2026 hăng pran jua mă bruă phrâo:Tơring čar ngă hmua prong djă ba anŏ kơdrưh prong mơ̆ng ia rơsĭ kơ tơlơi bơwih ƀong. Mơ̆ng hơdôm arăt jơlan rô nao rai Ngŏ-Yŭ phrâo pok pơhư hluh gah, rơhaih prong tui, anŏ gêh găl kơ tơlơi bơwih ƀong huă mơ̆ng lŏn glai-mơnai ia rơsĭ hlăk akŏ pơjing, lŏm lui hĭ hơdôm tơlơi pleh ploh yua ataih lŏn mơnai glai klô hơđăp kiăng čih tŏ tui črăn phrâo kơ tơlơi hing ang hơđong kơjăp brơi lŏn mơnai glai klô jing anih phun tong krah kual Dap Kơdư. Yak nao amăng thun phrâo Bính Ngọ 2026, Dak Lak “Ia rơsĭ” djă tơngan “Glai klô” bơtơpưn nao pơ ataih.

VOV.Jarai

VOV.Jarai - Tơdơi kơ pơmut hăng tơring čar Bình Định hơđăp, tơring čar Gia Lai phrâo hơmâo anih đĭ kyar prong biă, mơ̆ng čư̆ trun nao pơ ia rơsĭ hăng bul pơtâo plao ia rơsĭ, pơjing rai tơlơi gêh găl yom biă či đĭ kyar čơkă tuai hyu ngui, hăng gơnam bơwih brơi lu, phara, pơlir hơbit kual anai kual adih. Ƀuh rơđah anih anom anun, tơring čar Gia Lai hơmâo pơsit mơ̆ng hlâo lĕ jơlan ngă bruă, ba tuai hyu ngui jing sa amăng rơma bruă akŏ phun bơwih ƀong yom biă pơ anăp, pơlir đĭ kyar hăng djă pioh, djru ană plơi bơwih ƀong hăng pơđĭ rơnoh bơwih ƀong hơđong.

VOV.Jarai - Hrŏm hăng amăng đơ đam dêh čar čơkă thun phrâo Bính Ngọ, mơnuih ƀôn sang djop djuai ania kual Dap Kơdư ăt lăp pơ-ư ang mơ̆ng anŏ pơblih phrâo plơi pla, gum pơgôp anăp nao kơ thun phrâo hơdip mơda trơi pơđao, mơak klă.