Khua git gai pơ ala mơnuih ƀôn sang dêh čar ơi Trần Thanh Mẫn nao ngă lơphet hơdor glăi 140 thun Hrơi jar kmar pơpŭ bruă mă
Thứ tư, 08:19, 29/04/2026
VOV/Siu Đoan Pơblang
VOV/Siu Đoan Pơblang
VOV.Jarai-Mơguah lơ 28/4, ƀơi Sang gru grua mă bruă giang mah Việt - Xô (Hà Nội), Khua pơ ala mơnuih ƀôn sang dêh čar ơi Trần Thanh Mẫn nao ngă lơphet hơdor glăi 140 thun hrơi jar kmar pơpŭ bruă mă hăng pơpŭ 101 khua khul mơnuih mă bruă mut phung ngă bruă klă, ba gru thun 2026.
Đĭ pơhiăp amăng mông ngă lơphet, Khua git gai pơ ala mơnuih ƀôn sang dêh čar ơi Trần Thanh Mẫn pơsit tong, tui tơlơi git gai mơng Ping gah, phung mơnuih ngă kông ñơn Việt Nam ƀu pơdơi prong kơtang, ƀuh ƀô̆ mơta amăng djop mơta bruă, jing ƀing akŏ phun amăng bruă tuh tia pơkra ming, pơplih phrâo hăng mut hrŏm jar kmar. Khul mơnuih mă bruă mut phung Việt Nam jai hrơi pơsit tong kơdrưh ang lĕ anih gơnang nao mơng ƀing ding kơna, mơnuih mă bruă, hăng lu bruă mă sit nik, tŭ yua, anăp kơ kơtang pơ ƀon lan.
Hơdôm bruă pơplông, jơlan hơdră bơwih brơi tơlơi hơdip, wai pơgang tơlơi dưi djơ̆ tơlơi phiăn, sit nik mơng mơnuih mă bruă hơmâo pok pơhai djop, pơgôp pơjing tơlơi rô nao rai amăng bruă mă pơlir hrŏm, hơđong hăng pơplih phrâo.
Viết bình luận