Khua git gai Ping gah, Khua mir sir ơi Tô Lâm bơni kơ hơdôm tơlơi gir prong, tơlơi gơgrong bruă hăng gir run bruă kơđi čar mơ̆ng Ping gah, gong gai, tơhan laih anun mơnuih ƀôn sang ƀôn prong Hồ Chí Minh; hmư̆ hing lĕ ƀôn prong hơmâo pơthâo rơđah, pok pơhai ngă tui Tơlơi pơtrun jơnum ping gah dêh čar tal 14 tơpă sit, bơkơnar.

Kơ jơlan hơdră ngă, bruă kiăng ngă pơ anăp, Khua git gai Ping gah, Khua mir sir lăi dlăm, ƀôn prong kiăng thâo rơđah tơlơi kiăng đĭ kyar 2 mrô hăng tơlơi pơčrâo brơi , ba jơlan đĭ kyar amăng abih bang tơlơi bơwih ƀong; ƀu pioh prăk kăk, lŏn tơnah, kơčăo bruă ƀudah tơlơi gêh găl kơđông, gun hĭ. Ƀôn prong kiăng pơsir brơi đut hlao anŏ tơnap kơ tơlơi phiăn, hơdră pơkă hơnong čuk pơkra, tuh pơ alin; tañ brơi prăk či ngă bruă. Ngă rơđah hloh hơdôm tơlơi pơtrun akŏ phun mơ̆ng Kơnuk kơna mơ̆ng tơlơi hơmâo sit, ƀu pơdơi yah jơlan hơdră ngă bruă đôč ôh, khŏm pơjing hơbô̆ bruă đĭ kyar rơđah rơđông; ječ ameč čuk pơkra man pơdong ƀôn prong hơmâo anih anom jơlan nao rai hăng kơdư, amăng atur lŏn, boh thâo mrô, hơdôm anih anom pơtruh plơi prong rơnuk phrâo, kual hơmâo anih anom mơtah mơda, pơhlom pơmut djŏp djŏp mơta, pơtruh nao rai, akŏ pơjing anih đĭ kyar hlom bom, djơ̆ lăp.