VOV.Jarai - Ƀrô hrơi akŏ thun  phrâo hăng nao pơhmư̆ hrơi iâu pơthưr ngă bruă “Têt pla kyâo djŏp rơnuk hơdor bơni kơ Wa Hồ”, mơguah lơ 23/2 (jing hrơi tal 7 Têt Bính Ngọ), Khua mir sir ơi Lương Cường hăng grup khua mơ̆ng Gơnong dlông nao bơni hơ-ơč Têt kơ Ping gah, gong gai, mơnuih ƀôn sang tơring čar Lào Cai.

VOV.Jarai - Čơkă hrơi ruah khua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang mơ̆ng tơring čar truh pơ să rơwang thun 2026-20231, tơring čar Lâm Đồng pơƀut git gai,črâo bruă, pok pơhai abih bang, dưm kơnar bruă mă tui tơlơi phiăn hăng hrơi pơkă kiăng ngă. Kiăng hrơi ruah khua pơ ala mơnuih ƀôn sang dêh čar hăng khua pơ ala mơnuih ƀôn sang djŏp gưl 15/3 pơ anăp rơnuk rơnua, dưi ngă pô, sit nik jing tal jơnum kơđi čar prong, dlăm, jing “Hrơi mơak prong mơ̆ntg lŏn ia” ƀơi tơring čar, bruă pôr pơthâo kơ bruă kơđi čar yom pơphăn anai mơ̆ng lŏn ia ta glăk hơmâo tơring čar Lâm Đồng pơtrut kơtang kiăng hơmâo tơlơi tŭ ư djơ̆ hrŏm mơ̆ng Mơnuih ƀôn sang.

VOV.Jarai - Ƀrô hrơi akŏ thun phrâo, mơguah lơ 23/2, Khua git gai Ping gah ơi Tô Lâm nao pơhmư̆ hăng git gai mông bơbưp, bơni hơ-ơč kơ ƀing khua, mơnuih mă bruă kơnuk kơna, mơnuih mă bruă amăng Anom bruă Ping gah dêh čar.

VOV.Jarai - Ƀơi Dak Lăk hăng Khánh Hòa, mơnuih mă akan hok kơdok yua hơmâo akan ngư đại dương, ƀrô thâo pơmin ngă tui djơ̆ tơlơi pơkôl mă akan hơdang, biă ñu pơgăn mă akan tui IUU.

VOV.Jarai-Lơ 23/2, Jơnum min mơnuih ƀôn sang tơring čar Quảng Ngãi jơnum pơčrong sai akŏ thun, pơtong glăi tơlơi pơhing ngă bruă hlâo, amăng hrơi têt hăng tơdơi kơ têt Bính Ngọ 2026 amăng tơring čar.

VOV.Jarai-Jơnum min mơnuih ƀôn sang tơring čar Gia Lai phrâo tŭ ư, brơi ngă tui lu hơdră či ming pơkra glăi anŏ pơhluh ia rô đuăi bơyan ia ling dăo gah kual tơkai ia krông Hà Thanh mơ̆ng thun 2026-2030, hăng rơnoh prăk tuh pơ alin abih tih 2.675 klai prăk.

VOV.Jarai-Tlam lơ 23/2, ƀơi Hà Nội, Khua dêh čar ơi Phạm Minh Chính nao čuă, mă bruă tom Ding jum Gru grua, Pơrơguăt drơi jăn hăng Tuai čuă ngui kơ bruă pok pơhai ngă tui Hră pơtrun ping gah dêh čar tal XIV amăng bruă Gru grua, pok pơhai ngă tui Hră pơtrun mrô 80 mơ̆ng Ding jum kơđi čar kơ bruă pơđĭ kyar gru grua Việt Nam.

VOV.Jarai-Mơguah lơ 23/2, ƀơi Ƀirô Kơnuk kơna, Khua dêh čar ơi Phạm Minh Chính hơmâo bưp ƀô̆ mơta akŏ thun phrâo hăng ƀing apăn bruă, mơnuih mă bruă anom bruă kơnuk kơna, laih dong pok pơhai bruă jao akŏ phun mơng hrơi mă bruă blung a tơdơi kơ hrơi pơdơi ƀong tê̆t.

VOV.Jarai-Kơnuih rup rap mơnuih arăng đăo kơnang, Khua git gai ping gah plơi, greh gruñ hrŏm hăng ană plơi pla, đing nao, lăng ba, dŏ hrŏm ană plơi pla pơjing rai khul thâo gum pơgôp hăng pơđĭ kyar. Ayong Y Khăm Niê Ta thun tơkeng 1991, djuai ania Jarai, ngă khua git gai ping gah plơi -Ƀuôn A1, să Ea Sup, tơring glông Ea Sup hơđăp, tơring čar Dak Lak jing a amăng 96 čô mơnuih ngă khua ping gah plơi ba gru hlâo amăng dêh čar ta dưi pơpŭ bơni ƀrô hơdor glăi 96 thun hrơi akŏ pơdong ping gah Cộng sản Việt Nam lơ 3/2 laih rơgao ƀơi Hà Nội.

VOV.Jarai - Tlam lơ 22/2, ƀơi sang bruă Kơnuk kơna, Khua dêh čar ơi Phạm Minh Chính git gai jơnum pơtong glăi hrơi ƀong Têt Bính Ngọ 2026 hăng pok pơhai bruă akŏ phun tơdơi kơ hrơi ngui Têt.