3 boh thâo hơmâo mă yua lĕ: Boh thâo Anih jơnum ƀu kiăng hla pơ-ar; Boh thâo Anom bruă rơgơi - Mơnuih mơnam mrô ƀơi iOS laih anun boh thâo wai lăng hră pơ-ar, tơlơi pơtrun, ngă bruă tui ia rơgơi eOffice (pơplih klă hloh). Amăng anun, boh thâo Anih jơnum ƀu hơmâo hră pơ-ar brơi ĕp ƀuh, pơmut nao hăng wai lăng abih hră pơ-ar, tơlơi klah čun mông jơnum ăt kah hăng mông pơkă, hrơi pơkă hơmâo ngă giong amăng boh thâo.

Tơlơi jơnum hơmâo čih pioh hrip glăi boh pơhiăp laih anun boh pơhiăp anun hơmâo čih jing boh hră hlao, plai ƀiă rơngiă mông, rơđah hloh, gêh găl či krăp lăng. Mă yua Anih mă bruă rơgơi - Mơnuih mơnam mrô pơƀut djŏp tơlơi pơhing, hră pơ-ar yom kah hăng tuh pơ alin kơnuk kơna, tuh pơ alin gah rơngiao prăk kơnuk kơna, pơhrui prăk kơ kơnuk kơna...bơwih brơi bruă wai lăng, git gai mơ̆ng khua mua amăng tơring. Lơ̆m anun, boh thâo ia rơgơi eOffice hơmâo pơkra klă tui či bơwih klă hloh bruă wai lăng hră pơ-ar mơit nao, mơit glăi, hăng kĭ mrô./.