Tui hăng anun, mông pơkă či mă bruă phrâo amra ngă tui hăng djop sang bruă ping gah, Kơnuk kơna, sang bruă khua wai lăng djop djuai ania mơnuih mơnam hăng djop khul grup mơnuih tơpuôl gưl tơring čar hăng să hơmâo:Mơguah lĕ mơ̆ng 7 mông 30 mơnit truh 11 mông 30 mơnit; či tlam mơ̆ng 1 mong 30 mơnit truh 5 mông 30 mơnit, laih dơ̆ng, pơđut mông mă bruă či tlam kaih hloh 30 mơnit pơkă hăng mông pơkă ră anai, mơguah mă bruă kaih hloh 30 mơnit pơkă hăng ră anai.

Jơnum min mơnuih ƀôn sang tơring čar Dak Lak brơi thâo, bruă pơkă glăi mông mă bruă kiăng plai ƀiă anŏ pleh ploh mông mă bruă hăng kơnuk kơna laih anun djop ding jum, anom bruă pơ gơnong dlông pơphun mơ̆ng 8 mông mă bruă. Rơngiao kơ anun, bruă pơhrơ̆i sui ƀiă mut mă bruă, glăi kaih hloh abih mông mă bruă pơkă hăng anŏ gêh găl ayuh hyiăng lŏn adai plơi pla, ră anai rơbêh ha mơkrah mrô tơring čar ngă tui mông pơkă djơh hăng anai. Gah bruă mă phara ƀiă kah hăng pơtô hrăm, bruă ia jrao, djop sang bruă amra pơkă mă mông gêh găl mă bruă kiăng djơ̆ hăng bruă pơtô hrăm hăng pơkă lăng tơlơi duăm ruă, pơjrao brơi kơ mơnuih ƀôn sang.