Thun blan laih rơgao, Anom bruă khua mơnuih tơpuôl mă bruă Việt Nam hơmâo pok pơhai lu bruă mă, hơdră pơphun sa hnơ̆ng, ngă tui djop tơhnal pơkă bnruă jao tum teč potom hiăp, bưp lu khul mơnuih mut phung hăng hơmâo ba glăi boh tŭ yua klă. Truh ră anai, mrô mơnuih bơtŭ ư amăng bruă mă, apah mă bruă ƀong prăk blan, mơnuih mut phung hơmâo ba glăi boh tŭ yua rơbêh 85% amăng mrô mơnuih mă bruă apah kơ sang bruă mơdrô, pơkra ming, anom bruă pơphun wai lăng mơnuih tơpuôl.

Pơhiăp ƀơi mông bưp, Kơ-iăng khua mir sir yă Võ Thị Ánh Xuân lăng yom khul grup khua mua, mơnuih mă bruă kơ mơnuih tơpuôl amăng djop sang bruă lăi hrŏm hăng 101 čô khua mua mơnuih apăn bruă khul ƀơi sang bruă hơmâo bưp, bơră ruai djru ba 382 rơbâo čô mơnuih dưi tŭ mă tơlơi djru hăng rơnoh prăk pơkă dưm dưm rơbêh 6 rơbâo klai prăk sa thun. Kơ-iăng khua mir sir  lăi pơtong, hơdôm boh tơhnal anai djru kơ mơnuih mă bruă apah klă hloh, hơđong tơlơi pơmin mă bruă, jing anŏ gêh găl pioh kơ ƀing mơnuih mă bruă đăo kơnang kơ khul apăn bruă wai lăng mơnuih tơpuôl, mơ̆ng anun kiăng pơtong rơđah, anih dŏ, bruă mă, tơlơi gơgrong ba mơ̆ng anom bruă mơnuih tơpuôl wai lăng mơnuih mă bruă hăng anŏ rô nao rai hăng glông bruă kơđi čar. Kơ-iăng khua mir sir yă Võ Thị Ánh Xuân rơkâo anom bruă mơnuih tơpuôl Việt Nam ăt pơblih phrâo kơtang pơphun bruă mă hăng anăp či mă bruă mơnuih tơpuôl, tui hăng anăp ngă hơbôt hloh, tŭ yua, ba glăi boh tơhnal, anăp nao kơ djop mơnuih mă bruă, lăng kơ mơnuih mut phung jing anŏ khom đing nao. Laih dơ̆ng pơtum lu hloh boh tŭ yua ngă khua pơ ala, pơgang ba boh tŭ yua hăng tơlơi djơ̆ găl kơ mơnuih mă bruă; hmao pơsir hĭ tơlơi kiăng, anŏ čang rơmang laih anun pơsir tañ tơlơi ƀu mơak mơ̆ng anih mă bruă pơyŭ, djru ngă kơjăp tui tơlơi đăo kơnang hăng kơtưn amăng khul gum pơgôp djuai ania.