Ƀơi sang Khua git gai Ping gah hơđăp ơi Nguyễn Văn Linh, Khua git gai Ping gah, Khua mir sir ơi Tô Lâm pơdah pran jua pơpŭ bơni hăng khua apăn akŏ rơgơi amăng rơnuk pơplih phrâo, mơnuih hrŏm hăng Ping gah ba tơbiă hăng pơphun ngă tui jơlan gah tơpă ară, pơgôp ba lŏn ia ta găn rơgao tơnap tap, jai hrơi pơđĭ kyar.

Grup nao tŭi ñang pioh hơdor kơ Khua Khul Kơnuk kơna hơđăp ơi Võ Chí Công, sa čô khua ngă bruă abih pran, hơmâo lu tơlơi pơgôp amăng bruă blah wang pơklaih rơngai lŏn ia, pơlir lŏn ia jing sa. Grup nao tŭi ñang ƀơi sang Khua khul Khua ding jum hơđăp ơi Phạm Hùng hăng Khua git gai Ping gah hơđăp ơi Lê Duẩn, pơdah pran pơpŭ, hơdor tơngia, laih dong nao tơña bla ƀing mơnuih amăng sang anŏ ƀing gơñu.

Grup ăt nao hơ-ŭ hơdor kơ Khua dêh čar ơi Võ Văn Kiệt hăng Khua tơhan, Khua mir sir ơi Lê Đức Anh. Bruă mă anai pơgôp pơpŭ bơni kơ rơnuk khua mua hơđăp, pơtô glăi gru grua khăp kơ lŏn ia, hơkrŭ tơlơi glăm ba amăng pơjing hăng wai pơgang lŏn ia ta.